زەنوون سلێڤانەی ـ زاخۆ

بێگۆمان پەیدابوونا نڤشێن مرۆڤان ل سەر روویێ ڤێ ئاخێ هێدی هێدی هەناسەیا ژیانێ دهەلکێشیتن، هەر ئێك ب رەنگەکێ ژیانێ دبتە سەر. بەلێ هەر مرۆڤەکی چەند یێ پسپۆر و مێرخاس و دەولەمەند و خودان پلە و پایە بلند بیت د ناڤا دەستهەلاتێدا ل داویا ژیێ خوە دێ بەرهەمێ خوە یێ قەنج و خراپ ل پاش خوە هێلن و وەغەرا داویێ هەلبژێرن و دزکێ گۆڕستانێ دا ب تنێ مینن، چاڤەرێی چارەنڤیسێ خوە یێ رۆژا داویێ. پاشان بکت و کۆم دێ چنە بەرامبەری دادگەها یەزدانێ مەزن کو ل وێرێ لێپرسین دگەل مرۆڤان دئێتە کرن و قەنجی و خرابی دکەڤنە ل بەر تەرازیا کێشان و پیڤانێ و دێ ئەنجامێن خوەیێن ئەرێنی ونەرێنی ژی هەبیتن. ل وەڵاتێ مە ژی ئەڤ هژمارا مرۆڤێن ساخ ماین و دڤی وەلاتی دا دژین، ئەو ژی چاڤەرێی باشی و خرابیێن ڤێ دەستهەلاتێ دمینن. کا دێ چ چاکسازی ئێتە کرن و مافێ هاوەلاتیبوونێ و دادپەروەری هەتا چ رادە دێ سەقامگیر بیت و دقۆناغا داهاتیدا دێ چ لێپرسین دگەل تەخێن دزو گەندەلکاران ئێتەکرن. خەلكێ هەژار و بەلەنگاز دێ ب چ ئاوایی ل چارەنڤیسێ خوەیێ داویێ بنێرن و ڤەگەراندنا باوەریێ دناڤبەرا گەل و دەستهەلاتێ دا دێ چاوا بیت کو دیسان خەلك و دەستهەلات ببنە تێگەهێن چارەکرنا گشت کێشە و کرێزێن هەمەجۆر کو ب هیڤی و ئارمانجێن خوەیێن پاشەرۆژێ شاد و بەختەوەربن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *