به‌رپرسێ‌ پشكا ئێشێن ڤه‌كر ل رێڤه‌به‌ریا كارۆبارێن خۆپاراستنا ساخله‌میا دهۆكێ‌ دیاركر كو بۆ به‌رهه‌نگاریا ڤایرۆسێ‌ كۆرۆنا باشترین رێك ده‌ستشووشتن و خۆپاراستن و پاقژی زۆر دگرنگن بۆ به‌رهه‌نگاریا ڤایرۆسی كۆرونا و ئه‌و كه‌سێ‌ كۆخك و بێهنژینێ‌ هه‌بن، باشتره‌ ماسكا ب كاربینن و یێ‌ نه‌بیت پێدڤی ناكه‌ت ماسكا بكاربینیت.
د. سه‌كڤان حه‌سه‌ن عه‌لی، به‌رپرسێ‌ ئێشێن ڤه‌گر ل رێڤه‌به‌ریا كارۆبارێن خۆپاراستنا ساخله‌میا دهۆكێ‌ دیاركر كو به‌ری نانخوارنێ‌ و پشتی ده‌ستئاڤێ‌ و پشتی ده‌ستدانا هه‌ر كه‌رسته‌كی یان گیانه‌وه‌ره‌كی ده‌ستێن خوه‌ باش بشوون، هه‌روه‌سا خوه‌ دووركرن ژ جهێن قه‌ره‌بالغ تێدا دروست دبیت وه‌كو هۆلێن شه‌هیانان و كافی و جهێن ته‌زیاتیان وهه‌ر جهه‌كێ‌ قه‌ره‌بالغ ئه‌ڤه‌ مه‌ترسیدارن و پێدڤیه‌ مرۆڤ خوه‌ ژی دووربكه‌ت و تێكه‌لیێ‌ دگه‌ل جهێن قه‌ره‌بالغ نه‌كه‌ت، هه‌روه‌سا ده‌مێ‌ بێهنژینێ‌ و كوخكێ‌ ژی كلینسێ‌ ب كاربینن.
زێده‌تر گۆت: نابیت ئه‌و كلینس بهێته‌ هاڤێتن بۆ سه‌ر ئه‌ردی داكو ڤایرۆس نه‌هێنه‌ ڤه‌گوهاستن، چونكو ڤایرۆس دهێنه‌ ڤه‌گوهاستن و باشتره‌ ده‌مێ‌ بێهنژینێ‌ و كوخكێ‌ ژی ده‌مێ‌ مرۆڤ كلینسێ‌ ب كاردئینیت وێ‌ كلینسێ‌ بێخیته‌ د ناڤ سه‌لكه‌كا تایبه‌ت یا گلێشی دا، هه‌روه‌سا پێدڤی ناكه‌ت مرۆڤ ماسكا بكاربینیت هه‌كه‌ كوخك و بێهنژین ل مرۆڤی نه‌بیت پێدڤی نینه‌ مرۆڤ ماسكا ب كاربینت، ل ده‌مێ‌ نیشانیێن په‌رسیڤی ل كه‌سه‌كی هه‌بن یان بێهنژین و كوخك هه‌بیت ل وی ده‌می ماسكا ب كاربینیت باشترن داكو كه‌سه‌كێ‌ به‌رامبه‌ر تووش نه‌بیتێ‌.
ئه‌وژی دیاركر كو ڤایرۆسێ‌ كۆرونا ب رێیا هه‌ناسێ‌ دهێته‌ ڤه‌گوهاستن هه‌كه‌ كه‌سه‌كی ڤایرۆس هه‌بیت ب كوخك و بێهنژینێ‌ ره‌نگه‌ ئه‌و ڤایرۆس به‌لاڤ ببیت و بچیته‌ هه‌ناسا كه‌سه‌كێ‌ دی و ئه‌وژی تووشی ڤایرۆسی ببیت هه‌روه‌سا ژی ب رێیا دانوستاندنێ‌ و تێكه‌لیێ‌ ژی ڤایرۆس دهێته‌ ڤه‌گوهاستن كو ڤایرۆس ب جل وبه‌رگ و ده‌ست و هه‌موو تشته‌كی ڤه‌ دمینیت و ده‌مێ‌ مرۆڤ خوه‌ پاقژنه‌كه‌ت و ده‌ستێ‌ خوه‌ بكه‌ته‌ ڤان تشتان دێ‌ ڤایرۆس ب ده‌ستی ڤه‌ ژی مینیت و ده‌مێ‌ ئه‌و كه‌س ده‌ستێ‌ خوه‌ ب ده‌ڤ وئه‌ندامێن خوه‌ لاشی ڤه‌دنیت ره‌نگه‌ تووشی ڤایرۆسی یبیت، یان هه‌تا هه‌كه‌ خوارنێ‌ ژی ب كاربینیت ره‌نگه‌ تووش بییتێ‌ هه‌كه‌ ده‌ستێن خوه‌ نه‌شۆت له‌ورا ئه‌م دبێژین ده‌ستشووشتن وخۆپاراستن و پاقژیێ‌ زۆر دگرنگن بۆ به‌رهنگاریا ڤایرۆسێ‌ كۆرونا.

ناڤهاتی ئه‌وژی ئاشكه‌را كركو ده‌ستێن خوه‌ ب ئاڤێ‌ و سابوونێ‌ یان تافیلكه‌ره‌كێ‌ كحولی پاقژ بكه‌ و ل ده‌مێ‌ كوخك وبێهنژینێ‌ ده‌ڤ ودفنا خوه‌ ب كلینسه‌كێ‌ یان ب ئه‌نیشكا ده‌ستێ‌ خوه‌ ب نخێڤه‌ و خوه‌ دور بكه‌ن ژ هه‌مبێزكرنێ‌ وتێكه‌لبوونا نێزیك دگه‌ل هه‌ر كه‌سه‌كێ‌ نیشانێن په‌رسیڤێ‌ وئه‌نفلوه‌نزایێ‌ هه‌ین .
ته‌كه‌ز كركو به‌رهه‌میێن گیانه‌وه‌ران و په‌له‌وه‌ران وهێكا باش بكه‌لینه‌ بۆ خوارنێ‌ و خوه‌ دووربكه‌ ژ ره‌فتاركرنێ‌ دگه‌ل ئاژه‌لێن كویڤی و یێن ناڤمالێ‌ بێ‌ بكارئێنانا كه‌ل وپه‌لێن خوۆپاراستنا كه‌سایه‌تی وه‌كو ماسك وپێدڤیه‌ ماسك بهێنه‌ بكارئینان ل ده‌مێ‌ سه‌ره‌ده‌ریكرنێ‌ دا.

نوش نیوز

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *