زمان باشترین ڕێک و ب هێزترین ڕێکا پەیوەندیکرنێیە، فرێکەر ب رێکا زمانی ب ئاشکەراتر ژ هەر ڕێکەکا دنا پەیوەندیکرنێ، دەربڕینێ ل هەست و سوزێن خۆ دکەت، هەر چەندە ئەو شێوێن دنێن پەیوەندیکرنێ هەتا ڕادەیەکێ باش دەربرینێ ژ دیتن و بۆچوونێن فرێکەری دکەن- وەکو ئاماژە و وێنەیان… هتد -، لێ وی ئاستی نینن ئەوێ زمان لێ، ژبەر هندێ هەتا نها مرۆڤ زمانی ب باشترین رێکا پەیوەندیکرنێ دهژمێریت.

مرۆڤ هەتا ڕادەیەکێ زۆر مینا زیندەوەرێن دنە، کۆ پێدڤی ب کومەکا رەگزان هەیە وەکو ئاڤێ و هەوایی و ئەردی. لێ جڤاکێ مرۆڤایەتی پیدڤی ب (زمانی) هەیە و ژ پێخەمەت پاراستنا هەبوون و دروستبوونا خۆ گەلەک پشت پێ دبەستن،ب تایبەتی ژ بوو ڤەگوهاستنا کەلتوور و کەلچەرێ خۆ ژ نەوەیەکێ بۆ نەوەیەکێ دن و ب تایبەتی ئەگەر ئەم بۆ هندێ بچین، کۆ زمان و کەلچەر دوو دیاردێن پیکڤە گرێداینە و ژێکڤەنابن؛ ژلایێ زانستیڤە، دشیاندا نینە سەرەدەریێ ل گەل ئێک ژوان بکەین بێی یێ دی.

زمان ل گەل پەیدابوونا مرۆڤی پەیدابوویە و هەر ل وی سەردەمی و هەتا ڤی سەردەمێ نها، ئەڤێ دیاردێ گرنگییا خۆ هەبوویە و ژبەر پەیوەندییا زمانی ب زانستێن، مینا زانستێ سیاسەت، ڕاگەهاندن، دەروونناسی و جڤاکناسیێ و… هتد، لەورا ژلایێ زانایێن ڤان بیاڤان ژی، گرنگی ب زمانی هاتییە دان.

ژ/ زمانڤانییا تیۆری: عەبدولسەلام نەجمەدین عەبدوللا، شێرزاد سەبری عەلی

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *