نڤیسین: رێژین حکمت رمضان

قوتابی ل پشکا زمانێ کوردی/ زانکۆیا زاخۆ

کورتـــییەک دەربـــارەی ڕۆمـــــانێ

ئەڤ ڕۆمانە ژلایێ (سارا عومەر)ڤە هاتیە نڤیسین، ئەڤێ ڕۆمانێ سەرنجا خەلکێ دانیمارکێ راکێشایە، سالا (2017) پرفروشترین پەرتووک و ڕۆمان دهێتە هژمارتن ل دانیمارکێ، (50) هزار دانە ژێ هاتینە فروتن ل نەرویج و سوید، کوپیا وێ هاتیە فروتن ب وەڵاتێن سربیا، فرنسا و ئایسلەندا. ئەڤ پەرتووکە دوو چیروکن دئێک پەرتووکدا کوم کرینە، ئەڤ کەسایەتیێن د ڕۆمانێ دا د هەردوو جیهانادا یێن ژیاین، ئەڤ پەرتووکە (323) لاپەرە ب  وەلاتەکێ چێکرییە و ل وەلاتەکێ دی گوتیە، داکو ئێش و ئازارێن مللەتەکێ بن دەست بگەهینتە جیهانێ.  سارایێ هەشت خەلات وەرگرتینە.

ناڤـــــەڕۆکا ڕۆمانــــــێ

ئەڤ ڕۆمانە داکوکیێ ل سەر مافێ مرۆڤی دکەت، بابەتێ سەرەکی باس ل مێژوویا کورد و کوردستانێ دکەت هەر ژ سەردەمێ دکتاتور (سەدام حسێن) وهەتا نوکە ب تایبەتی پارچە پارچەبوونا کوردستانێ جارەک دی نابیتە وەلاتەک، هەروەسا باس ل ئەنفال، کیمیا باران و ئاوەرەبوون و دەربەدەریا خەلکێ کوردستانێ دکەت.

گەلەک کارەکتەر د ڤێ ڕۆمانێدا دیارن، چیروکا ئێکێ کچەک کارەکتەرا سەرەکیە

1_  کچەک ژ دایک دبیت بناڤێ فرمێسک .

ل باژێرێ سلێمانییێ سالا (1986) کچەک ژدایک دبیت، ئەڤ چیروکە هەتا سالا (1991)ز بەردەوام دبیت. دڤێ چیروکێدا باسێ وان نەهامەتی وئێش وئازاران دکەت یێن دئاوەربوونێدا ب سەر گەلێ کوردا هاتین، ب تایبەتی کچ و زارۆک ژ وان ژی کیمیا بارانا هەلەبچە و ئەنفال، ل دەمی ڕەڤینێ کوشتن و ڕێکەفتناما (لوزان) یا کۆ کوردستان کریە پارچە پارچە، هەروەسا باس ل وێ زورداریا وی سەردەمی دکەت یا ل ئافرەتێ دهاتە کرن، دەست درێژیا زەڵامان ل سەر زارۆکان، باسێ کەلتوورێ جوانێ کوردینیێ دکەت، ب تایبەتی خوارنێن کوردەواری.

2_دەمێ فرمێسك مەزن دبیت.

ل دانیمارکێ د خوینیت چیروکا خۆ دنڤێسیت، کچەکا کورد دبینت ب ناڤێ (دەریا) دەریا کچەکە بێی چ ژ ژیانێ بزانیت ئەو ژلایێ مالا وێڤە ب دارێ زورێ ب تایبەتی بابێ وێڤە، ئەو دایە کورەکێ هشتا وێ ئەو کور نە دیتی.

 ئێک ژ کارەکتەرێن دی د ڕۆمانێ دا دیار ب ناڤێ محمد یان مەلا محمد

 دوو کەسایەتیێن جیاواز یێن هەین ئێک خۆ باش دیارکەت مەلایە خوتبا دخوینت دبێژیت خەلکی رێزێ ل دەیک و بابێن خوە بگرن هاریکاریا هەژاران بکەن، بەلێ ژلایەکێ دیڤە کەسایەتییەکا خراپ یا هەی دەست درێژی یێ دکەتە سەر زارۆکەکێ کچەکا چ ژ دنیایێ نەزانیت.

بوچی ئەورۆپا گرنگییێ ب ڕۆمانا کچەکا کورد ددەت؟

ئەورۆپا نە گرنگییێ ب ڕۆمانا کچەکا کورد ددەت، بەلکو گرنگی یێ ب ناڤەڕۆکا وێ ڕۆمانێ ددەت یا کو ئێش وئازارێن مللەتەکێ بن دەست زۆرداریا ل ژن و زارۆکان دهاتە کرن.

بوچی پەرتووک ب مری شوو هاتە ناڤ کرن؟

ئەو ناڤ هاتبوودانان بۆ ژنەکێ ب ناڤێ (گەوهەر) داپیرا (فرمێسک)ێ بوو، ناڤێ (مری شوو) بۆ هاتە دانان چونکی مری دشووشتن کەلەخێ وان کچ و ژنان دشووشتن یێن بووینە قوربانیێن دابونەریتان یان یێن ب ئەگەرێ شەرەف و نامیسێ دهاتنە کوشتن.

یا دیار نینە ئەڤ ڕۆمانە دێ ب زمانێ کوردی بەلاڤ بیت یان نەخێر.

ئازیزم. دەمێ دەریا ژدایک دبیت ‌چاڤێن خۆ ڤەدکەت دهێتە مەهرکرن، پەیڤا شەرەف و نامیسێ بۆهاتبوو دانان چونکی کچبوون  ژیانا وێ باش و خۆش نابیت، چونکی وەکو کور ژدایک نە بوویە. سێ ڕێک بۆ دانان دڤێت بێ دەنگ بیت ب زۆلم چەسپاندنێ بژیت، یان دێ ب دەستێ خۆ مریت خۆ کوژیت یان دێ ب دەستێ زەلامێ خۆ مریت وهێتە کوشتن یان دێ دیل بیت وەکو دیلەکێ ژیت ئەگەر چ ل سەر تە گران بکەڤیت ژی ڤێت بژی ژ پێخەمەت ژیانێ…

ســـــــارا عومەر کییە؟

سالا (1986) ل باژێرێ (سلێمانی)ێ ژ دایکبوویە، خواندنا خۆ یا سەرەتایی ل قوتابخانا (شەهید کەمال کوردی) خواندییە، خواندنا خۆ یا ناڤنجی ل قوتابخانا کچان یا (هەوار) خواندییە، پاشی کوردستانێ بجهـ دهێلیت و ئاوارە دبیت بەرەڤ ئەوروپا ل (دانیمارک)ێ درێژییێ ب خواندنا خۆ ددەت.

سارا گەلەک داکوکی یێ ژ مافێ مروڤی دکەت، ل دەمێ شەرێ عەفرینێ ئێکەم کچ و کەس بوو نامە بۆ وەزیرێ دەرڤەیێ دانیمارکێ، باراک ئوبامای و پوتینی هنارت داکو ل هاوار خەلکێ بێ تاوان و سڤیل بچن. سارا هاتە داخازکرن ژلایێ سەروکێ فرەنسا و شاهژنا وەلاتێ دانیمارکێ ڤە ژبەر وێ ڕومانێ یا نڤێسی ب ناڤێ مری شوو وێرەکترین کچ دهێتە دانان ژلایێ ئەوروپیانڤە. خودانا ڕۆمانا (مری شوو) یە

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *