وەلاتیەکی باژێرێ ئاکرێ ب ناڤێ (مەشات نافخوش) ئەڤە پتری (١٠) ساڵە گوڕەکێ بۆ خۆ چێکری ل گوندێ (ئامادا) یا سەر ب ناوچەداریا (دینارتە) ل گورەی گۆتنێن وی ئەڤە (٢٣) ساڵە ئەو مری، بەلێ ئەو ب خۆ هێشتا یێ ساخە و نوکە ل باژێرێ ئاکرێ دژیت.

دەربارەی نهێنیا ڤێ یەکێ، ناڤبری گوت: رۆژا (٢٣/٥/١٩٩٧) ڕویدانەکا نەخواستی بۆ من دروست بویە، ئەوێ ڕویدانێ گەلەک کارتێکرن ل من کریە وەسا هزر دکەم ئەز د وێ ڕویدانێدا یێ مری، ژبەرڤێ ل (کانی توزێ) و ل گوندێ (ئامادا) من گوڕەکێ بۆ خۆ چێکری و چاڤەرێمە هەتا کۆ خودێ گیانێ من دبەت و دخوازم ڕوژا د مرم من ل وێرێ ڤەشێرن.

زێدەتر گوت: هەتا نوکە من پتری (پێنج) هزار دۆلار ل گۆڕێ خۆ مەزاختینە، من داروبار و گۆل و دیکور و دیزاینێن جوان دروستکرینە، بەردەوام سەرەدانێ بۆ دکەم و د پارێزم، بەلێ جهێ داخێیە هەتا نوکە دوو جاران ژلایێ خەلکی دەستدرێژی ل سەر هاتیەکرن.

مەشات ل سالا (١٩٥٥) ژدایک بوویە، خێزاندارە و زارۆک هەنە، نوکە ل باژێرێ ئاکرێ دژیت و فەرمانبەرە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *