نڤێسین: زهرا قاسم سەبری

قوتابی ل پشکا زمانێ کوردی/ زانکۆیا زاخۆ

ئەکتەر: باشترین سالوخدان بۆ ئەکتەری بھێتە کرن ئەڤەیە؛ ئەکتەر ئەو کەسەیە یێ زارڤەکرنێ دکەت، ب بسپوریا خۆ ب ئەڤی ئەرکێ ھونەری ڕادبیت و خۆ نیشانددەت و پێدڤییە باوەریێ بۆ کەسێ بەرامبەر دروست بکەت، داکو پەیاما خۆ بشێوەیەکێ باش و کارتێکەر بگەھینیت.

ئەکتەری ئانکو ڕابوون ب زارڤەکرنا تێکستەکێ یێ کۆ نڤیسەر دکەتە ددەستیدا، ئەڤجا ئەو ئەکتەرە چ ب شێوەیەکێ باش یان خراپ ڕۆلێ خۆ بگێریت، ئەو ل دەمێ بەڵاڤبوونێ دێ خەلک بریارێ ل سەر دەت، ئەکتەریێ باشی و خرابیێن خۆ ھەنە، ژ باشیێن وێ دشێت وەل تاکەکەسی بکەت ھێز و باوەریا ل دەڤ ئەکتەرێ دەردکەڤیت ل دەڤ خۆ پەیدا بکەت ئەڤ چەندە کارتێکرنێ ل سەر ناڤخویا وی دکەت و وی کەسی بەرەڤ باشیێڤە دبەت، ژ خرابێن وێ دبیت ئەو ڕۆلێ ئەکتەر پێ ڕادبیت دگەل وی جڤاکی ناگونجیت و ژێ دویرە و ئەڤە ژی دێ وەل تاکێ جڤاکی دکەت کۆ فێری تشتێن خراپ ببیت، لەورا پێدڤییە ئەم پتر د ھشیاربین د ھەلبژارتنا ئەکتەریێدا.

ئەکتەری دچیتە ژێر چارچووڤێ ئەدەبیدا چونکی دەربرینێ ژ (ھەست، سوز، خوشی، نەخوشی، نەست…هتد)یێن مرۆڤی دکەت، دەمێ مرۆڤ ڕادبیت ب کارێ ئەکتەریێ دشێت دەربرینێ ژ ئەوان ڕویدانا بکەت یێن کۆ د ناخێ ویدا ھاتینە ڤەشارتن.

ئەکتەری ھونەرەکە تە دویر دکەت ژ کەسایەتیا تە یا ڕەسەن ژبەرکو توو دێ ئەکتەریا کەسەکێ کەی دبیت خەیال بیت یان ژێواری بیت.

ئەز وەکو کەسەک حەز و ڤیانا من ھەر ژ زاروکینیێ ئەکتەری بوویە، لێ ژ ئەگەرێ نە گەھشتنا ئاستێ تێگەهشتنا جڤاکێ من ل ئاستێ بلند، کۆ ژن وەکو ئەکتەر کاربکەت، من ئەڤ حەز د ناخێ خۆدا ھەلگرتیە، هەروەسا ئەز د ژیانا خۆیا تایبەتدا ئەکتەریێ ناکەم ھەر کەسایەتیا خۆ دژیم، بەلێ حەزا ئەکتەریێ ددلێ مندا هەرا بەردەوامە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *