جێگرا ڕێکخڕاوا (هەناسە) بۆ پاراستنا ژینگەهێ ل دهۆکێ دیار کر، کو ئەم ڕابووینە ب هەوەکا بەرفرەهـ یا دەخل و دانی و خوارنێ بۆ باڵندێن کیڤی و گیانەواران.

چیان مەهدی، جێگرا ڕێکخڕاوا (هەناسە) بۆ پاراستنا ژینگەهێ ل دهۆکێ، بۆ مالپەڕێ (خەدەنگ) گوت: ” ژ بزاڤ و چاڵاکی یێن ڕێکخراوا (هەناسه) بۆ پاراستنا ژینگەهێ ل دهۆکێ، د چەند ڕۆژێن بووری دا ئەم ڕابووینه ب هەوەکا بەرفرەهـ یا دەخل و دانی و خوارنێ بۆ باڵندێن کیڤی و گیانەوەران ل گوندێ (سیار و سپیندارا)، ژبەر سەقایێ سار و بارینا به فرێ مه ب فەر دیت ئەم گیانێ ڤان باڵندە و گیانەوەران ژ برسێ و مرنێ قورتال بکەین”. گوت ژی: “دلۆڤانی ژ ڕەوشتێن مرۆڤێن بەرزە ل سەر عەردی کو دلۆڤان بن دگەل گیانەوەر و باڵندان، داکو خودێ ژی ل ئاسمانا دگەل مە دلۆڤان بیت، سۆپاس بۆ هەڤالێن دگەل مە ئامادەبووین‌”.

دلۆڤان هالۆ


وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *