ل گومرکا ئیبراهیم خەلیل پێنج قەچاخچیێن ماددێ هۆشبەر هاتنە دەستەسەرکرن.
ئاسایشا کومەلگەها سنووریا ئیبراهیم خەلیل دەستەسەرکرنا پێنج کەسان ب تۆمەتا بازرگانیکرنێ ب ماددەیێن هۆشبەر راگەهاند.
دەربارەی ڤێ چەندێ (عەبدولوەهاب محەمەد) رێڤەبەرێ ئاسایشا گۆمرکا ئیبراهیم خەلیل، بۆ دەزگەهێن راگەهاندنێ گۆت: ئەڤ ئوپەراسیونە ب هەڤکاری دگەل ئاسایشا دهۆکێ ب پیلانەکا موکۆم ل باژێرێ دهۆکێ، ئەو شیان پێنج کەسان دەستەسەر بکەن.
ل گۆرەی گۆتنا وی بەرپرسی ئەڤان قەچاخچیان (٣٠) کیلۆیێن ماددێ هۆشبەر ژ جۆرێ هێرۆیین دگەل بووینە. هەروەسا گۆت ژی (٣) کەس ژوان خەلکێ باژێرێ دهۆکێ نە و (٢) خەلکێ کەمپا مەخمورن.