وەزارەتا کار و کاروبارێن کومەلایەتی یا حکومەتا هەرێما کورستانێ ڕاگەهاند: د ئایندەیەکێ نێزیکدا دێ دەست ب دانا قەرزێن بچویک کەن بۆ گەنجان.

بەری نیڤرۆیا ئەڤرۆ (٢٠٢٠/٢/١٥) وەزارەتا کار و کاروبارێن کومەلایەتی ل باژێرێ سلێمانیێ وورکشۆپەک بۆ هەژمارەک ژ کارمەندێن وەزارەتا خۆ گێرا، بۆ زانینا چاوانیا دەستپێکرنا دانا ڤان قەرزان ب گەنجان.

کۆێستان محەمەد، وەزیر ل وەزارەتا کار و کاروبارێن کومەلایەتی یا حکومەتا هەرێما کوردستانێ، د داخویانیەکێدا بۆ دەزگەهێن راگەهاندنێ گۆت: د دەمێ بووریدا قەرزێن بچویک هەبوون بۆ گەنجان ئەو ژی (٧٠) ملیار دینار بوون، لێ پشتی قەیرانا دارایی هاتبوو راوەستاندن، د نوکەدا ئەم هەوڵا دانا وان قەرزان دکەین بۆ گەنجان، بۆ ڤێ مەبەستێ مە پرۆژەیەک پێشکێشی ئەنجومەنێ وەزیران کرییە و ئەو ژی پشتی وەرگرتنا رەزامەندیا دارایی، کۆ وەزارەتا دارایی بەرسڤەکا ئەرێنی هەبوویە، دێ بەرسڤا مە دەن.

هەروەسا گۆت: مەرەما مە ژ دانا ڤان قەرزان ب گەنجان، ئەوە ئەڤ قەرزە د کاری و بازارێ کارکرنێدا بهێنە مەزاختن، بۆ هندێ گەنجێ مە ببیتە خودان کار.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *