پشتی بوورینا (۳) هەیڤان ژ چاڤەرێکرنێ، ئەنجوومەنێ وەزیران فەرمانا دامەزراندنا هەمیشەی یا ماموستایێن گرێبەست دەرکر.

د. ئامانج ڕەحیم، سکرتێرێ ئەنجوومەنێ وەزیرێن هەرێمێ ل هەژمارا خۆ یا تایبەت د فەیسبوکێدا ڕاگەهاند: ئەڤرۆ ڕێکەڤتی (۲۰۲۰/۲/۱۲) ناڤێن ماموستایێن گرێبەست ب نڤیسارا ژمارە (۱٦٦۹) یا سەرۆکاتیا ئەنجوومەنێ وەزیران، هاتە ڕەوانەکرن بۆ (وەزارەتا دارایی و ئابووری/ ب.گ بوودجە_میلاک) بۆ هندێ دەست ب کاروبارێن وان یێن دوماهیکی یێن دامەزراندنێ بهێتە کرن و ئەو دەستبکارببن.

ل ژێر بریارا ئەنجوومەنێ وەزیران یا ژمارە (۳٤) کۆ ل ڕوژا (۲۰۱۹/۱۲/۲٤) دەرچوو بوو.

هەروەسا گوت “پیروزە و سەرکەڤتی و سەرفەراز بن، هەمی کەس قەردارێ مەزناهیا ماموستایانە کۆ وان ب زانینا خۆ ئەلیف و بێ و زمان و ئەدەب زانست فێری قوتابیان کرین.

ل دویڤ زانیاریان نێزیکی (٦) هزار ماموستایێن گرێبەست ل هەرێما کوردستانێ هەنە، ژ ڕێکەڤتی (۲۰۲۰/۱/۱) ب هەمیشەیی کرن بۆ وان دێ هێتە هەژمارکرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *