پشتی حکومەتا (چینێ) داخواز ژ هەڤپشکێن خۆ یێن بازرگانی کری، کۆ ئەو هاریکاریا وان بکەن د بەرهنگاربوونا ڤایرۆسێ کۆرۆنادا، د بەرامبەردا حکومەتا (تەهرانێ) زێدەتری (سێ) ملیۆن دەمامک بۆ (پەکینێ) هنارتن.

هوا چونینگ پەیڤدارێ وەزارەتا دەرڤەیا وەلاتێ چینێ ڕاگەهاند: حکومەتا (تەهرانێ) هەست ب بەرپرسیارەتیێ کریە دگەل ڤایرۆسێ کۆرۆنا و دگەل حکومەتا چینێ هاریکار بوویە، ژبەر ڤی هەلویستێ وان یێ مەردانە ئەم ب ناڤێ گەلێ (چینێ )سوپاسیا هەلویستێ وان یێ مرۆڤایەتی دکەین، هەروەسا دایە دیارکرن کۆ هەتا نوکە (ئیرانێ) زێدەتری (سێ) ملیون دەمامک بۆ وان هنارتینە، کۆ د دەمەکێدا قەیرانا دەمامکان ل وی وەلاتی سەرهلدایە و خەلک ب گشتی بکاردهینن ژبەر هندێ کێم بووینە و ل هندەک جهان ب ئێکجاری نەماینە.

 

 

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *