ب هەلکەفتا بوورینا ساڵەکێ ب سەر دامەزراندنا مالپەرێ “خەدەنگ” یێ ڕەوشەنبیری ئەم گەرمترین پیرۆباهیێن خۆ ئاراستە هەمی کارمەندێن کۆ کارکرین د ڤی مالپەریدا دکەین.

هەر ب ئەڤێ هەلکەڤتێ ئەم ژ دل پیروزباهی و سوپاسیێن خۆ ئاراستەی سەرپەرشتێ گشتی یێ مالپەری پروفیسورێ هاریکار دکتور (کاروان فەهمی سامی) دکەین، بۆ وێ هاریکاری و پشتەڤانیا وی یا بەردەوام دگەل مە، بۆ بەردەوامیدان ب کار و چاڵاکیێن مالپەری، هەروەسا سوپاسیا سەرنڤیسەرێن مالپەری دکەین، ئەوێن هەتا نوکە شیاین وێنەیێ جوانێ مالپەری نیشا خەلکێ بدەن: “سەرنڤیسەرا زمانێ عەرەبی (شەدەن الطائي) و سەرنڤیسەرێ زمانێ کوردی (دلێر کەمال) و سەرنڤیسەرێ پشکا لاتینی (ئومێد سەگڤان) کۆ ب هەوڵ و ماندیبوونا وان مالپەر هەبوونا خۆ سەلماند و بەربەڵاڤبوو.

سوپاسیەکا بێ سنور ئاراستەی سەرۆکێ زانکۆیا زاخۆ پروفیسور دکتور (لەزگین عەبدی جەمیل) دکەین، کۆ هەردەم هاریکار و پشتەڤانەکێ مەزن بوویە، بۆ پێشڤەبرنا مالپەری.

سوپاس پشتەڤان و بینەرێن مالپەری، بۆ گوتن و دیتنێن وە یێن جوان کۆ د بنە ئەگەرێ پێشڤەبرن و بەردەوامیا مە ل سەر کارێن جوانتر و باشتر.

ب هیڤیا ساڵێن داهاتی ب کارێن جوانتر چاڤێ بینەرێ مالپەری پربکەین، و بشێن وێنەیەکێ ڕەنگا و ڕەنگێ کوردستانێ نیشا جیهانا ژ دەرڤە بدەین ژ (مێژوو، زمان، وێژە، هونەر…).

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *