وەزارەتا ناڤخۆیا هەرێما كوردستانێ بڕیاردا، تنێ ئەو ترومبێلە بۆ هەرێمێ بهێنە هاوردەكرن، یێن هەتا ئێكی كانوونا ئێكێ یا ئەڤ ساڵە گەهشتینە دەروازێن سنوری، و دگەل هندێ مەرجێن نوی ژی بۆ ئینانا ترومبێلان داناینە.
ل گورەی نڤیسارەكا وەزارەتا ناڤخۆ، ئەو ترومبێلێن هەتا ئێكی كانینا ئێكێ گەهشتینە دەروازێن سنوری، دێ رێك پێ هێتەدان دەربازی هەرێمێ ببن، و ژ پشتی وێ رێكەفتێ، رێك بۆ هاوردەكرنا هیچ ترومبێلەكێ ناهێتەدان ئەگەر ژ (١٠٠) كیلومەتران زێدەتر چووبیت.
وەزارەتا ناڤخۆ هۆشداری ژی دایە، كۆ هەر كەسەكێ سەرپێچیێ بكەت، دێ بكوژمێ (٥ ـ ٣٠) ملیون دینارا هێتە سزادان، و ئەگەر سەرپێچی دووبارە ببیت، دێ كوژمێ (٣٠) ملیون دینارێن دی لسەر سزای زێدەبیت.
وەزارەتا ناڤخۆ ئەو چەندە ژی دایە زانین، كۆ ل دویف ڕێنمایان دێ ڕێك بۆ گشت ترومبێلێن ب سوتەمەنییا (بەنزین،گاز، غاز، كارەبا) كاردكەن بهێنە دناڤ هەرێمێدا.
مەرجێن نوی بۆ هاوردەكرنا ترومبێلان هاتنە دانان:
