هەڤال ئەبوبەکر پارێزگارێ سلێمانیێ (٦٠) پەرتووک دەربارەی کورد و کوردستانێ پێشکێشی پەرتووکخانا نشتیمانی یا (نۆتنگهام) کرن.

هەڤال ئەبوبەکر  پارێزگارێ سلێمانیێ د مالپەرێ خۆ یێ فەیسبوکێدا بەلاڤکر، رۆژا شەمبیێ ل باژێرێ (نۆتنگهام) یێ بریتانیایێ، ب ئامادەبوونا خاتم (کۆنسیلۆر رۆسێماری) ، خانم (ساندیپ ماهال) سەرۆکا نوکە یا باژێرێن داهێنەرێن وێژەییا (یونسکۆ)  دگەل چەند ئەندامێن ئەنجومەنێ باژێرڤانی د بوارێ کەلتوریدا کۆمبوونەک هاتە کرن.

د ئەڤێ کۆمبوونێدا ئەوان پیرۆزباهیێن خۆ ئاراستەی پارێزگارێ سلێمانیێ کرن، ژبەر کۆ باژێرێ (سلێمانی) وەک باژێرەکێ داهێنەر د ئەدەبیاتێدا هاتە هەلبژاردن ل سەر ئاستێ جیهانێ.

هەروەسا پارێزگاری باس ل هندێ کر، کۆ وی (٦٠) پەرتووکێن ل سەر کورد و کوردستانێ ب زمانێ ئینگلیزی پێشکێشی پەرتووکخانا نشتیمانی یا (نۆتنگهام) کرن، د هەمان دەمدا خەلاتێ تایبەتێ سلێمانیێ هاتە پێشکێشکرن و خەلاتێ پارێزگارێ (نوتنگهام) ب پارێزگارێ سلێمانیێ هاتە دان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *