جیهان هەمی و کورستان یێن لبەر هەڕەشەکا مەزن یا تەندروستی، ڤایرۆسا کۆرۆنا بلەزاتیەکا ترسناك یا بەلاڤ دبیت و چ درەنگ یان نێزیك رەنگە بگەهیتە کوردستانا خوشتڤی.
ئەز وەکی دکتورەك و چاڤدێرێ تەندروستیێ خۆ بەرپرسیار دبینم ژبەر هندێ دخازم ڤێ حەفتیێ وەزەراتا تەندروستیێ دەستپێبکەت!
بۆ وەزەراتا تەندروستی: هێڤی دکەین ڤێ حەفتیێ ئێدی چ ڕوونکرنا لسەر تشێتن بێ مفا بەلاڤ نەکەن و ب ئەرکێ خۆ رابن بەرانبەر پاراستنا خەلکێ کوردستانێ ژ ڤێ ڤایرۆسا مەزن.
بۆ ماموستایێن بەرێز: هێڤی دکەین هەوە ئاگەهـ ژ قوتابی و خوێندکاران هەبیت، قوتابیێن نەخوش فرێکەنە مال بلا بێهێن ڤەدانێ وەربگریت و نەخوشی نەهێتە ڤەگوهاستنێ، جێلا دەست پاڤژیێ بدان بەردەرگەهێ پولێ هین و قوتابی دەستێن خۆ پێ پاقژ بکەن.
بۆ دەیك و بابێن قەدرگران: بلا هەوە دهـ جاران ئاگەهـ ژ جەگەرا خو هەبیت، ل جهێ هووین شەقەکێ ل وان بدەن تیشووەکا (کلێنس) نەرم بدەن وان، و لجهێ هین ئاخفتنەکا نەخوش و رەق بێژن وان ئاموژگاریا بدەنێ، زارۆکێن خو ئاگەهدار بکەن کۆ بێهنشك و کوخك دەستێ خو بکاربینن و پشتی هینگێ دەستێن خو بشوون.
بۆ ماموستایێن ئاینی یێن بەرێز: هێڤی دکەین ئەینی یا(خوتبا) ڤێ حەفتیێ بۆ بلا گوتنا ئاموژگاریا و چەوانیا خۆ پاراستنێ بیت ژڤێ نەخوشیێ، بلا بۆ نڤێژکەران بهێتە گوتنێ نە بەلاڤکرنا ڤێ نەخوشیێ ژ نڤێژا جماعەت ب خێرترە.
بۆ دکتور و کارمەندێن تەندروستیێ: هێڤی دکەین هەوە ئاگەهـ ژ خۆ هەبیت هووین مفایەکێ مەزن بۆ هەمیان بێ هەوە دێ کورستانا خوشتڤی نەخوش بیت، هێڤی دکەین دەستگورك و ماسکی (کەمامە) بکاربینن، هاوڵاتیان ئاگەهدار و هشیار بکەن، هێڤی دکەین جهێن بلند ئاگەهدار بکەن دەمێ بۆ هەوە گومانەك چێدبیت کۆ نەخوش هەلگڕێ ڤی جورە ڤایرۆسێ یە.
بۆ روژنامەنڤیس و مێدیاکارێن چاڤ نەتڕس: هێڤی دکەین ڤێ حەفتیێ هەمیێ مانشتێن و ریپورتاژ و پروگرامێن هەوە بۆ بەلاڤکرنا زانیاریان بیت لدور ڤێ نەخوشیێ و پاڕاستنا گیانێ بیت وخەلکێ ژڤێ نەخوشیا ترسناك دیر بێخن.
بۆ سیاسی و پەرلەمانتارن: هێڤی دکەین ڤێ حەفتیێ بلا چ دوو بەرەکی دناڤبەرا هەوە دا نەبن، هیڤی یە بچن دناڤ خەلکێ دا رەوشا وان یا تەندورستی ژ نێزیك ببینن.
ژ هەمی گرنگتر بۆ نەخوشیێن خوشتڤی: هێڤی هەوە ئاگەهـ ژ خۆ هەبیت، خو پشت گوهـ ڤە نە هاڤێژن سەرەدانا دکتوران بکەن، نەچنە ژ دەرڤە، ماسکی بکاربینن، وئاڤێ گەلەك ڤەخۆن، نەخوشیێ بلاڤ نەکەن. دا ڤێ حەفتیێ بکەین حەفتی یا حەزکرن و ڤیانێ بۆ ئێک و دوو، دەستێن خۆ بکەین تێكدا بۆ شکاندنا ڤێ هەرەشەیا مەزن یا تەندروستی یێ.
لگەل داخازا سڵامەتیێ بۆ گشت لایەنا.
دکتور/گۆران عبداللە
بادینیکرن / جوتیار حەسەن.