تایبه‌تمه‌نده‌كێ نەشته‌گه‌ریێن گشتی ل دهۆكێ دیاركر كۆ حاله‌ته‌كێ ده‌گمه‌ن یێ ڕووڤیكان هاته دین و هه‌می ڕووڤیكین بچویك یێن نه‌خۆشه‌كی چووبوونه د كیسكه‌كێدا و ببوونه ڕووڤیك هاتبوونه گرتن، ئه‌ڤ حاله‌ته گه‌له‌كێ ده‌گمه‌نه و دبێژنێ (كوكون ئه‌بدومینت) ئه‌و نه‌خۆش هه‌لگرێ ناسنامه‌یا (بریتانی) بوو و ل دهۆكێ هاته نەشته‌رگه‌ریكرن و پشتی ڤه‌گه‌ریانا وی بۆ بریتانیا ره‌وشا وی گه‌له‌ك باش بوویه.
د.شێرزاد عه‌لی، تایبه‌تمه‌ندێ نشته‌گه‌ریێن گشتی ل دهۆكێ دیاركر، كۆ هنده‌ك جاران نه‌خۆشیا ئێشا زراڤ دبیته ئه‌گه‌رێ ڤێ چه‌ندێ، چونكو ل ده‌ستپێكێ نه‌هاتیه ده‌ستنیشانكرن و دبیته ئه‌گه‌ر ڕووڤیك ستوور دبیت و كیسكه‌كی دروست دكه‌ت و گۆت: نیشانێن ڤێ نه‌خۆشیێ ئه‌ون كۆ زكێ نه‌خۆشی یێ تژی یه و دلرابوون په‌یدادبیت و زكی َوی ده‌ردكه‌ڤت ژی و گه‌له‌ك جاران وی كه‌سی وه‌كو ئێشانه‌كا نه سرۆشتی هه‌یه، پشتی پشكنین بۆ وی نه‌خۆشی دهێنه كرن دیاردبیت كو رووڤیكێن وی دگرتینه، ئه‌ڤه ژی گه‌له‌ك جۆر هه‌نه، ئه‌وژی رووڤیك دهێنه تێك ئالاندن، یانژی خوین ناچیته د رووڤیكێ‌دا، چونكو یا گرتیه و دیسان رووڤیك ره‌ش دبیت و ئه‌م قه‌د دكه‌ین و جاره‌كا دی پێكڤه گرێ دده‌ین.
هەروەسا دیاركر ژی ئه‌ڤ حاله‌ته گه‌له‌ك د كێم و ده‌گمه‌نن و ئه‌وێ ل دهۆكێ هاتیه دیتن وه‌كو كیسكه‌كی د زكێ نه‌خۆشی دا بوو د ناڤ ڕووڤیكان دا هاتبوو چێكرن و گۆت: ئه‌ڤ نشته‌گه‌ریه ژ (15) ده‌قیقا هه‌تا ده‌مژمێره‌كێ ڤه‌دكێشن و دڤی ده‌میدا رووڤیك ژ كیسكی دهێنه ده‌رخستن و ئه‌ڤ حاله‌ت زۆر دكێمن و زوو ب زوو ناهێنه دیتن.
نۆش نیوز: له‌زگین جوقی: