زارۆك گیاندارەکێ بێ زیانە بەردەوام پێدڤی ب چاڤدێریێ و پەروەردەکرن و پاراستن و ساخلەمیێیە ژ ئالیێ دایك و بابانڤە، بێگومان پەروەردەکرنێ ژی چەند فاکتەرێن گرنگ هەنە چ وەك پەروەردەکرنا (فێرکرن، پاقژیێ…هتد) هەروەسا جورەکێ دی یێ پەروەردەکرنێ هەیە ڕێگرتن ل حەز و ڤیانا زارۆکی ژ بلی رەفتارێن توند و تیژیێ ئەڤە ژی ڤەدگەریت بۆ ڤێ چەندێ باندورا خۆ یا نەرێنی هەیە لسەر ناخ و دەرۆنێ کەسایەتیا زارۆکان، هەلبەت هەر جورەك ژڤێ پەروەردەکرنێ ژی لایەنێن خۆ یێن ئەرێنی و نەرێنی هەنە، باشە ل ڤێرێ جهێ پرس و سەرسورمانێ نینە دەما زارۆك تووشی دیاردەیێن بەرەڵایێ و سەربەردایێ بێ چاڤدێری و ئاراستەکرن بهێتە پەروەردەکرن دێ چارەنڤیسێ پاشەروژا وی زارۆکی ب چ ئاوایی دەرباز بیت؟ گومان تێدا نینە لدویڤ وان هزر و بیردوزێن زانستی یێن دەرونناسان دایە خۆیاکرن، کەسایەتیا مرۆڤی ل دەسپێکێ د قوناغا زارۆکینیێدا ئاڤا دبیت و ب ئەڤێ چەندێ پشت بەستنێ د چەند هوکاراندا دکەت، ئێك ژوان هوکاران هوکارێ (جڤاکی) یە، واتە ئەو ژینگەها تێدا دهێتە پەروەردەکرن کەسایەتیا وی دێ ل سەر چ پرەنسیپ هێتە ئاڤاکرن، سەبارەت د بەرسڤا ڤان پرسێن هەنێدا مرۆڤ دشێت بدەت خۆیاکرن کۆ پاشەروژا ڤان زاروکێن د بارودوخەکێ خۆ یێ ئالوزدا، لدویڤ ڤەکولین و بوچوونا زانایێن دەرونناسی زۆربەی ڤان زارۆکان دێ بەرەڤ ڤارێبوون و دوژمنکاریێ و توندوتیژیێ ژ جڤاکێ ئاسایێ ڤە چیت، بەرەڤ پەروەردەکرن و ڤارێبوونێ ڤە ژینگەها خۆ یا تایبەت هەیە، ڕەفتارکرنا وی دگەل ژیانێ ل سەر بنەمایێن دوژمنکاریێ و ڤیانا خۆ یا خۆیاکرنێیە ب چ ڕەنگ و ڕەفتار و چ دیمەنێن کرێت و دوژمنکاریێ ئەنجام بدەت لەورا بۆ وی هند گرنگ نینە، بەلێ یا ژ هەمیێ گرنگتر دایك و باب ئێکەم پلە دهێنە هژمارتن و مەزنترین دەستهەڵاتە بۆ پەروەردەکرن و پاراستنا ژیانا زاروکان ئەو دشێن هەمی جورێن رەفتار و رەوشەنبیر و پێگەهاندنێ د ناڤا هەست و ناخ و دەرونێ زاروکێن خۆدا زیندی بکەت.

زەنون سلێڤانەی ـ زاخو

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *