زارۆکەکێ بچویک پەرتووکەکا ئەتڵەسی د دەستاندا بوو، بەرپەڕێن وێ پەرتووکێ د بوراندن و چاڤێ وی ب دەریایێ مری کەت، ئەوی پرسیار ژ بابێ خۆ کر و گوت: باب بۆچی دەریایێ مری؟ چەوا ئەو مرییە؟ کێ ئەو کوشتییە؟
بابێ وی ب پێکەنین ڤە بەرسڤا کورێ خۆدا و گوت: کورێ من یێ خۆشتڤی، دەریایێ مری دکەڤیتە د نزماهیەکێدا کۆ گەلەک باران و ڕویبارێن مەزن د ڕێژنە د ناڤدا، دگەل هندێ ئەو نەشێت وێ ئاڤێ ب دەتە دەوروبەرێن خۆ، ژبەر ڤێ چەندێ ڕێژەیا سویراتیێ د ناڤدا زۆر بوویە و ژیانکرن تێدا مرییە، ماسی نەشێن د ناڤدا بژین، مرۆڤ نەشێن ئاڤا وێ ڤەخۆن، هەر ژبەر ڤێ چەندێیە، ئاڤا وێ بۆ وێ ب تنێ مایە و هندی ئەو هەیە بەس وەردگریت و چ جارا نا بەخشیت، هەر تشتەکێ تە هەبیت و توو نە بەخشی و توو لدەڤ خۆ بتنێ بهێلی دێ مریت.
کورێ من ژیان واتە بەخشین، ئەگەر توو کەسەک بی و هەرتشتێ تە هەی بەس بۆتە ب تنێ بیت و توو چ نە دەیە دەوروبەران، ل وی دەمی توو ژی یی مری، چنکو ژیان بەخشینە، ڤێجا کورێ من هەوڵ بدە هەردەم کەسەکێ ب بەخشینبی بۆ دەوروبەرێن خۆ، وەکی دەریایێ مری نەبە، هەر گاڤا تە دیت تشتەک بۆتە هات، ل گۆرەی یا تە پێ چێدبیت ب بەخشە دەوروبەرێن خۆ، نەکو وەکی دەریایێ مری بەس بۆ خۆ بهێلی.
وەرگێران ژ سورانی: خەدەنگ

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *