ل ڕوژا چارشەمبی ڕێکەڤتی (۲۲/۱/۲۰۲۰) ب ئامادەبوونا بەڕێز هاریکارێ سەرۆکێ زانکۆیا زاخۆ پڕوفیسورێ هاریکار دکتور (کاروان فەهمی سامی) و ڕێڤەبەرا سەنتەرێ گەشەپێدان بۆ کاری/زانکۆیا زاخۆ ماموستا (دلین ئەدیب میرۆ) دەست ب ڕیکورد کرنا کورتە فلمەکێ سینەمایی هاتەکرن. ئەڤ کورتە فلمە ب سەرپەرشتیا سەنتەرێ گەشەپێدان بۆ کاری/زانکۆیا زاخۆ، ب کارەکتەرییا قوتابیێن خۆبەشێن زانکۆیێ دهێتە دروستکرن.
د ڕوژا ئێکێ یا ڕیکورد کرنا فلمیدا هاریکارێ سەرۆکێ زانکۆیا زاخۆ بەڕێز دکتور (کاروان فەهمی سامی) ئامادەبوو و پاڵپشتی و پشتەڤانیا زانکۆیێ یا ماددی و مەعنەوی بۆ قوتابیان دیارکر و دەستخۆشی ل ئەوان کر، بۆ وی کارێ وان یێ جوان، هەر وەسا ماموستا (دلین ئەدیب میرۆ) ل سەر ڤی کورتە فلمی زێدەتر گوت: ئەڤە بۆ ماوێ چەند هەیڤەکە ئەم وەکو زانکۆ و دگەل قوتابیان کار ل سەر ڤی کورتە فلمی دکەین و هەرتشتێ پێدڤی مە بۆ وان ئامادەکریە و هەتا دوماهیکێ دێ د گەل بین و پشتەڤان بین، بۆ هندێ بشێن کارەکێ جوان پێشکێش بکەین.
ژ هەژیە بێژین سیناریوا فلمی ژلایێ ماموستا (اسماعیل کامیران اسماعیل ) ڤە هاتیە دارێژتن، هەروەسا (سەفەر ڕەمەزان سادق) دەرهێنەرێ ڤی کورتە فلمی کۆ قوتابیەکێ خواندنا ئێڤارانە ل زانکۆیا زاخۆ، بۆ مالپەرێ خەدەنگ گوت: مەرەم ژ دروستكرنا ڤى كورته فلمى نیشاندانا شيانێن قوتابيان و ساخكرنا هەستێ نەتەوایەتیە ل دەڤ قوتابيان، دا بۆ نڤشێ نوى ديارببیت ئەو ئازادییا ئەم ئەڤروکە تێدا دژین، بەرهەمێ خوينا هزارەها شەهیدایە.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *