په‌رسیڤ: تووشبۆنا بوریكێن هه‌ناسه‌دانێیە و د پتریا ده‌ماندا گه‌له‌ك یا ب ئێشان نینه‌، گه‌له‌ك وه‌سا هزر دكه‌ن، كۆ ئەگەر هه‌ڤاله‌ك یان ئێك ژ خێزانا وی تووشی په‌رسیڤی بوو، ئه‌و ژی دێ تووش ببیت. به‌لێ‌ گه‌له‌ك یا گرنگه‌ هه‌ر كه‌سه‌ك نیشانێن په‌رسیڤی بزانیت دا كۆ ل ده‌مێ‌ پێدڤی خۆ ب پارێزیتن و ئه‌و ژی ب ڕێكا هنده‌ك ڕێنمایێن خۆپاراستنێ‌:

خۆپاراستن ژ سه‌رمایێ‌ و په‌رسیڤی: به‌رسه‌رمابوون و ئه‌نفلاوه‌نزا ژ ئه‌گه‌رێ‌ هنده‌ك ڤایرۆسان دیاردبن، کۆ ئه‌و ڤایرۆس ل سه‌قایێ‌ مالێ‌ و ل سه‌ر هنده‌ك كه‌رەسته‌یان به‌ڵاڤ دبن، كۆ دشیاندایه‌ نه‌خۆشیێ‌ ڤه‌گوهێزنه‌ كه‌سێن دیتر ئەگەر ده‌ست كره‌ وان تشتان.

ئه‌ڤه‌ هنده‌ك شیره‌تن كۆ تو خۆ ژێ‌ ب پارێزی:

-باشترین ئالاڤێ‌ پاراستنێ: ده‌ستێن خۆ به‌رده‌وام ب ئاڤه‌كا گه‌رم و سابوونێ‌ بشوو بۆ ده‌مێ‌ (10-20) چركان.

-ده‌ستێن خۆ نه‌كه‌ چاڤێن خۆ و دفن و ده‌ڤێ‌ خۆ: ماده‌م ته‌ به‌ری هینگی ده‌ستێن خۆ نه‌شووشتینه‌، ڤایرۆس دێ‌ ب شێوه‌یه‌كێ‌ ب سانه‌هیتر به‌ڵاڤه‌بن، ڤێجا ده‌ستێن خۆ یێن نه‌شووشتی ب كارنه‌ئینه‌.

-هه‌ی كوژیێن تێله‌فون و موبایلێ‌ و كیبوردێ‌ كومپیوته‌رێ و ستێرنێ‌ ترومبێلێ‌ و تشتێن نڤیسینگه‌هێ‌، ئه‌وێن پتر ژ كه‌سه‌كی ب كاردئینن باش و ب شێوه‌یه‌كێ‌ رێكخستی پاقژ بكه‌.

-ده‌مه‌كێ تمام بنڤه‌ داكو به‌رگریا له‌شێ‌ ته‌ كاریگه‌ر بمینیت.

-گەله‌ك ئاڤێ‌ ڤه‌خوو و بزانه‌ گه‌له‌ك یا ب سانه‌هی یه‌ مرۆڤ تووشی زكچوونێ‌ ببیت، هه‌تا ئەگەر پلا گه‌رماتیا ژوور یا سار ژی بیت.

-هه‌تا هه‌كه‌ دونیا یا سار ژی بیت، راهێنانێن وه‌رزشی ئه‌نجام بده‌، باشتره‌ حه‌فتیانه‌ سێ‌ هه‌تا چوار جارا وه‌رزشێ‌ بكه‌ی.

-خوارنه‌كا ساخله‌م بخۆ، بلا خوارنا ته‌ یا پر بیت ژ بهایێن خوارنێ‌.

نوش نیوز:

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *