رێڤه‌به‌رێ كاروبارێن خوه‌پاراستنا ساخله‌میێ ل دهۆكێ دیاركر كو ده‌رباری ئه‌نفلونزا وه‌رزی وان دڤێت بۆ خه‌لكێ خوه ل دهۆكێ ئاشكرا بكه‌ن ئه‌ڤ نه‌خۆشیا ئه‌نفلونزا وه‌رزی یه كو ئه‌نفلونزا (H1N1) یا وه‌رزی یه، نها وه‌رزێ ڤێ نه‌خۆشیێیه ل كوردستانێ و عێراقی ژی حاله‌ت هه‌نه ل توركیا و ئوردن و ئیران ژی چه‌ندین حاله‌تێن ڤێ نه‌خۆشی هاتینه تۆماركرن.
د. سیروان مه‌حمه‌د ئه‌سوه‌د، رێڤه‌به‌رێ كارۆبارێن خوه‌پاراستنا ساخله‌میێ ل دهۆكێ دپرێس كونفرانسه‌كێ دا دیاركر كو چه‌ندین كۆمبوون لسه‌ر ئاستی وه‌زاره‌تا ساخله‌میا هه‌رێما كوردستانێ لسه‌ر ڤێ نه‌خۆشیێ هاتینه ئه‌نجامدان ل رۆژا (12/1/2020) ژی كۆمبوونه‌ك هاتیه كرن ل وه‌زارتا ساخله‌میا هه‌رێما كوردستانێ دگه‌ل رێكخراوا ساخله‌میا جیهانێ داكو ئه‌وژی هاریكاریا مه بكه‌ن ل سه‌ر چه‌وانیا به‌رهه‌نگاریا ڤێ نه‌خۆشیێ و ژمارا نه‌خۆشان كێم ببیت هه‌تا نوكه ل دهۆكێ (67) حاله‌ت هاتینه تۆماركرن گومان لێكرینه ژ هه‌موو حاله‌تان نموونه هاتینه وه‌رگرتن بۆ به‌غدا هاتینه ره‌وانه‌كرن بۆ پشت راستبوونێ نها وێڤه دێ ل هه‌ولێر ئه‌ڤ پشكنین هێنه ئه‌نجامدان ئه‌م ئێدی ره‌وانه‌ی به‌غدا ناكه‌ین دێ ل هه‌ولێر هێنه پشكنینن كرن.
ئاشكه‌را كركو ژڤان (67) حاله‌تان ژی( 24) حاله‌ت ده‌رچووینه (H1N1 ) بووینه سیێ حاله‌ت ژی نیگه‌تیڤ ده‌رچووینه ودوو حاله‌تیێن دی ژی و (11 ) حاله‌ت ژی ئه‌نفلونزا بوویه وه‌كو ئه‌م دوانن مه دوو جۆرێن ئه‌نفلونزا هه‌نه ئه‌وژی جۆری (A) و جۆری (B) تشتێ نه‌خۆش مه نه‌ڤیت چو جاران بێژن گیان ژ ده‌ستدان ژی ژبه‌ر ڤێ نه‌خۆشیێ هه‌بووینه كو سێ حاله‌تێن گیان ژ ده‌ستدانێ ژ سه‌رجه‌مێ (67 ) حاله‌تان هه‌بووینه و نها ژی حاله‌ته‌كێ دی يێ مرنێ هاته تۆماركرن ئه‌ڤه بووینه چار حاله‌تێن گیان ژ ده‌ستدانێ ل هه‌رێما كوردستانێ مه هه‌موو پێكڤه گرێداینه هه‌ر حاله‌ته‌ك هه‌بیت دهێته تۆماركرن و ئه‌ڤ نه‌خۆشیه مه‌ترسیا وێ ل ژیێ مرۆڤێ دایه ب تایبه‌تی ژی زارۆیێن بچووك یێ كیمتر ژ پێنچ سالیێ و كه‌سێن (60) سالێن مه‌زنتر و كه‌سین نه‌خۆشه‌كا دێ هه‌بیت كو كارتیكرن ل به‌رگیریا وێ كربیت وه‌كو نه‌خۆشیا په‌نچه‌شێری و ئه‌و نه‌خۆشین به‌رگیریا لاشێ كێم دكه‌ن ل وێ ده‌مێ وه‌ختی ئه‌ڤ ڤایرۆس دچیته لاشێ وان دا پتر كارتیكرنێ ل به‌رگیریا وێ دكه‌ت و پشتی هینگێ دگه‌ل ڤایرۆسی كارتێكرنێ لێ وى كه‌سی دكه‌ت دێ ئێشا وێ پتر بیت سه‌رجه‌مێ هه‌ر (67 ) حاله‌تان ژی هه‌موو باش بووینه یێن چووینه مالێن خو و ده‌رمان و چاره‌سه‌ری پێ هاتیه دان و ڤاكسین بۆ نه‌خۆشی هه‌یه، به‌لێ ڤاكسین دره‌نگ ژ به‌غدا گه‌هشتن بۆ دهۆكێ ب تنی ( 17) هزار و (400) ڤاكسین یێن ئه‌نفلونزا وه‌رزی گه‌هشتنیه دهۆكێ ئه‌ڤ ژماره ژی یا كێمه هه‌مبه‌ر خه‌لكێ خوه‌جهیێ دهۆكێ و ئاواره و په‌نابه‌ران ژی.
د. سیروان محمد ئه‌سوه‌د گۆت: دو رێیێن خو پاراستن و چاره‌سه‌ریێ هه‌نه ریێا سه‌ره‌كی ڤاكسیندان و پاشی ژی پاراستنا ساخله‌میێ، مه چه‌ندین پوسته‌ر دروستكرینه و به‌لاڤكرینه ئه‌م بۆ ره‌وشه‌نبیریا وه‌لاتیان به‌رده‌وامين و كه‌سێ تووشوويى په‌رسڤی بیت باشتره مرۆڤ خوه نیزیكی وی نه‌كه‌ت و زارۆك ژی دڤیت ل مال بمینت هه‌كه تووشی په‌رسڤی بیت ونه‌چته قوتابخانێ داكو ئه‌و ڤایرۆسی نه ڤه‌گوهیزت و ده‌رمان ژی بۆ نه‌خۆشی هه‌یه ل دهۆكێ ده‌رمان هه‌یه مه چوو ئاریشه ده‌رمانێ دا نینه یا گرنگه ئه‌و ده‌رمان زوو بهێته وه‌رگرتن له‌ورا داخازی ژ خه‌لكێ خوه دكه‌ین هه‌ر كه‌سی تووشی ئه‌نفلونزا بیت بلا زوو قه‌ستا ده‌زگه‌هیێن ساخله‌میی بكه‌ت بۆ وه‌رگرتنا چاره‌سه‌رێ.
نۆش نیوز