ئێك ژ ئەوان فێقیێن کۆ مفای دگەهینیتە لەشێ مرۆڤی خۆخه، هه‌روه‌سا شه‌ربه‌تا وێ ژی یا ده‌وله‌مه‌نده ب ماددێ خوارنێ و ڤیتامینێن جۆراوجۆر، كۆ چه‌ندین پێدڤیێن جه‌سته‌یی دابین دکەت و مرۆڤی ژ گەلەک نەخوشیان دپارێزیت. مالپەرێ (organicfact) بەحسێ مفایێن ڤەخوارنا شه‌ربه‌تا خۆخێ دکەت و دبێژیت: ڤەکۆلینێن نوی سه‌لماندیە كۆ شه‌ربه‌تا خۆخێ گەلەک یا ب مفایه بۆ لەشی و پاراستنا لەشی ژ نه‌خوشیان، ئه‌ڤە ژی ڤەدگەریت بۆ هەبوونا رێژه‌کا زۆر یا ماددێن خوارنێ و ماددێن ریشالی و دژی ئۆكسانێ کۆ لەشی ژ چەندین نەخوشیێن مه‌ترسیدار دپارێزن. ڤەخوارنا شه‌ربه‌تا خۆخێ مرۆڤی ژ نەساخیا په‌نجه‌شێرێ دپارێزیت : ڤیتامین(C,D,B6) گەلەک د شه‌ربه‌تا خۆخێدا هەنە و لەشی دپارێزن ژ نه‌خۆشییێن په‌نجه‌شێرێ و ناهێلیت جه‌سته تووشی چو مادده‌کێ ژه‌هراوی ببیت، ل گه‌ل هندێ ژی ماددێ ریشالی و دژی ئۆكسانێ تێدا هەیه كو دژایه‌تیا خانێن په‌نجه‌شێرێ دکەت و ژناڤ دبەت. شه‌ربه‌تا خۆخێ كێشا لەشی كێم دکەت : ئه‌ڤ شه‌ربه‌ته هایكاریا مرۆڤی دکەت د كێمكرنا كێشێ دا، ئه‌ڤە ژی ڤەد‌گه‌ریت بۆ هندێ كو کێم كالۆر تێدایه و د هه‌ر كووپەکێ ڤێ شه‌ربه‌تێدا نێزیكی (60) كالۆر تێدا هەیه، ئه‌ڤەژی رێژه‌کا گەلەک كێمە و ئەڤە هاریکاریێ دکەت بۆ کێمکرنا کێشا مرۆڤی. شه‌ربه‌تا خۆخێ مرۆڤی ژ نەخوشیا ته‌نگه‌نه‌فه‌سیێ ڕزگار دکەت: ئه‌ڤ شه‌ربه‌ته گەلەک یا ب مفایە بۆ ئه‌و كه‌سێن کو ب ئەگەرێ كێشا ته‌نگه‌نه‌فه‌سیێ دنالینن و گەوریا وان ئیلتیهاب لێ، ئه‌ڤە ژی ب ئەگەرێ هندێ کۆ ڤێ شه‌ربه‌تێ پێكهاتەکێ ده‌وله‌مه‌ند هەیه و ڤیتامینێن (C, D, B6) تێدا هەنە، دەمێ مرۆڤ ڤەدخوت گەوریا مرۆڤێ سافی دکەت و وان ئیلتیهاباتان ناهێلیت.
مفایێن شەربەتا خۆخێ؟
