ئەگەر ددانێن تە زەربن دێ چ کەی؟

ددانێن خۆ ب پارچه‌یه‌كا پامبی یا ته‌ركری ب شه‌ربه‌تا نیموكان و خوێ‌ رۆژانه‌ ته‌ر بكه‌، هه‌تا زه‌ربوون نه‌مینیت، مه‌عجینێ‌ بیاكربوناتێن سودا دگه‌ل ئاڤێ‌ ب شێوه‌یه‌كێ‌ رێكخستی ب كاربینه‌ بۆ نه‌هێلانا پنیێن ب سه‌ر ددانانڤه‌. گه‌له‌ك ژ خه‌لكی ئاریشه‌یا زه‌ربوونا ددانان هه‌یه‌، ره‌نگه‌ هنده‌ك ددان ژی ژ هنده‌كان زه‌رتر بن ژبه‌ر گه‌له‌ك ئه‌گه‌ران و ژوانژی: زه‌ربوونا ب سه‌رڤه‌: كۆ ژ ئه‌گه‌رێ‌ كێشانا جگاره‌یان یان گه‌له‌ك ڤه‌خوارنا قه‌هوێ‌ یان چایێ‌ و هنده‌ك خوارنێن كو هاریكاریێ‌ د ره‌نگكرنا ددانان دا دكه‌ن وه‌كو تییا و دیسان كومڤه‌بوونا كه‌رستێ‌ كالسیومی ل دورماندوری ددانی كو دبێژنێ‌ گویرهه‌ په‌یدادبیت. زه‌بوونا ژ ناڤدا: كو ژ ئه‌گه‌رێ‌ مه‌زنبوونا مرۆڤی یان هنده‌ك روودانان و ب كارئینانا زێده‌ یا فلورایدی یان ژ ئه‌نجامێ‌ هنده‌ك نه‌خوشیان و وه‌رگرتنا دژه‌ زینده‌وه‌ران وه‌كو تتراسایكلین په‌یدادبن. رێكێن چاره‌سه‌ریێ‌: تو دشێی سه‌ره‌دانا نوشداره‌كێ‌ تایبه‌تمه‌ندێ‌ ددانان بكه‌ی بۆ دیتنا چاره‌سه‌ریێن ڤه‌بر و ب له‌ز وه‌كو سپیكرنا ددانان یان تو دشێی ل مال ڤان رێكان ب كاربینی: -ب كارئینانا مه‌عجینێ‌ بیكاربوناتێن سودا دگه‌ل ئاڤێ‌ ب شێوه‌یه‌كێ‌ رێكخستی بۆ نه‌هێلانا پنیێن زه‌ر ل سه‌ر ددانان. -پاقژكرنا ددانان ب مه‌عجینه‌كێ‌ سپیكرنێ‌ رۆژانه‌ دو جاران. -ددانێن خۆ ب پارچه‌یه‌كا پامبی یا ته‌ركری ب شه‌ربه‌تا نیموكان و خوێ‌ رۆژانه‌ پاقژبكه‌ هه‌تا ب ئێكجاری زه‌راتی نه‌مینیت. -شووشتنا ددانان ب ئاڤێ‌ پشتی هه‌ر ڤه‌خوارنه‌كا كو ره‌نگ ی دده‌ته‌ ددانان و دبیته‌ ئه‌گه‌رێ‌ زه‌ربوونا وان. ژێدەر: نۆش نیوز