وەک ئەم د سەردەمێ نوکە دا دبینین، زوربەیا گەنجان فێری کێشانا نارگیلێ بووینە، ژ ئەنجامێ زوربوونا (کافییان) و جهێن کێشانا نارگیلان. گەلەک جارا دهێتە گوتن کۆ کێشانا نارگیلێ ساخلەمترە ژ کێشانا جگارێ، ب ھیچ شێوەکێ یا راست و دروست نینە. وەک دیار کێشانا نارگیلێ مەترسیا وێ زێدەترە ژ جگارێن ئاسایی، چنکو نارگیلە پتر کارتێکرنێ ل ‌سەر دلی و کۆئەندامێن دەماران دکەت. ڤەکۆلینەکا ئەمریکی دایە دیارکرن: کێشانا (ئێک) نارگیلێ لێدانێن دلی د خولەکەکێدا (16) جاران ب لەزتر لێ دکەت و گوشارێن خوینێ ژی بلند دکەت. هەروەسا ڤەکۆلەران گۆتیە: ئەو تووتنا بۆ نارگیلان دھێتە ب کارئینان، ھندەک ماددێن کیمیایی یێن دروستکری تێدا دھێنە بکارئینان، کۆ زیانێن وێ بۆ لەشێ مرۆڤی گەلەکن، دیسان بکارئینانا وان ماددێن کیمیایی ژی گەلەک ژ مێژە د دروستکرنا تووتنا جگا‌راندا ھاتینە قەدەغە کرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *