وەزارەتا پێشمەرگەیێن حکۆمەتا هەرێما کوردستانێ دێ دەست ب دابەشکرنا هاریکاریان کەت بۆ خێزانێن شەهیدێن شەرێ (داعش) و هەر خێزانەک دێ (پێنج ملیونان) وەرگریت. د ڕاگەهاندنەکێدا وەزارەتا پێشمەرگەیێن حکومەتا هەرێما کوردستانێ، ئەڤرو ڕێکەڤتی (٦/۱/۲۰۲۰) ب سەرپەرشتیا بریکارێ وەزیرێ پێشمەرگەی و ئەمیندارێ گشتییێ وەزارەتێ و سەرۆک ئەرکان و نوینەرێ ڕێڤەبەرایەتیێ و لیوایێن سەر ب وەزارەتا پێشمەرگەی و یەکەیێن حەفتی و هەشتی و هێزێن زێرەڤانی، کومبوونەک دەربارەی دابەشکرنا هاریکاریان ل سەر خێزانێن شەهیدێن شەرێ (داعش) هاتە کرن. د کومبوونێدا دا بەحس ل ئەوێ چەندێ هاتیە کرن، کۆ حکومەتا هەرێما کوردستانێ ڕازیبوویە ل سەر خەرجکرنا هاریکاریێ بۆ خێزانێن شەهیدێن شەرێ داعش و ئەو پارێ پێدڤی ئامادەیە بۆ دابەشکرنێ ب سەر وان خێزانان، هەر خێزانەک دێ (پێنج ملیونان) وەرگریت. وەزارەتا پێشمەرگەی ئەو چەندە ژی دایە دیارکرن، پشتی هندەک ڕێنمایی و دویڤچوون دهێنە کرن و زانیاریێن پێدڤی دهێنە وەرگرتن ئەڤ پارە دێ هێتە بەڵاڤکرن ل سەر ئەڤان خێزانان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *