دکتۆر حمید صدیق احمد/ بورد ب نشتەرگەریێن گشتى

دگەل دکتۆر حمید صدیق احمد/ بورد ب نشتەرگەریێن گشتى
دیدار- ادریس ئاسیهى


دکتۆرى باس ل بواسیرێ کر و گۆت: بلندبوون و وەرمینا دەمارێن خوینێ ل جهێ روونشتنێ و بەشێ خوارێ ژ راستە رویڤیکا دەرکەتنێ( المستقیم)ێ یە؛ وبەواسیر دهێت هژمارتن ژ نەخوەشیێن بەربەلاڤ دناڤ هەردوو رەگەزان دا.
گۆتژى:خوینبەربوونەکا بێ ئێشان ل دەمێ روینشتنێ بۆ دەستاڤێ وخوەریان ل جهێ روینشتنێ و وەرمینا دەردوورێن جهێ دەرکەتنا دەستاڤێ و ئێشان و هەستکرن ب نە ئارامیێ و کۆمگرێک نێزیکى کونا دەرکەتنێ و دبت هەستیار و ب ئێش بت، ئەڤە هەمى دبن نیشانێن ڤێ نەخوەشیێ.
سەبارەت ب گرنگترین هۆکارێن بەواسیرێ دکتۆری گۆت: گەلەک هۆکار هەنە کۆ ببن پالدەر بۆ سەرهلدانا بەواسیرێ وەکۆ:
– قەبزبوونا بەردەوام.
– هەلگرتن و راکرنا بارێن گران.
– سیستەمەکى خوراکى یێ نە ساخلەم.
– روونشتنەکا درێژ سەر دەستاڤێ یان بەرامبەر کمبیوتەرى یان لێخوڕینا ئوتومبیلێ.
– قەلەوى و کێم لڤین.
– نەخوەشیێن سینگى یێن دوومدرێژ وەکوو کوخکا دژوار.
– بلندبوون فشارا خوینێ ژ ئەنجامێ راوەستیانەکا درێژ.
– زکچوونا دوومدرێژ.
– (لواط)
– گەلەک روونشتن و خوە گڤاشتن ل دەمێ دەستاڤێ.
و پاشى دکتۆرى باس ل جووڕێن بەواسیرێ کر و گۆت: بەواسیرل سەر دوو جووڕان دهێت دابەشکرن،
1- بەواسیریا ژناڤدا/ ئەڤ جووڕ پتر بەربەلاڤە و ژ ناڤدەى راستەرویڤیکێ سەر هلددت و هەردەمى خوین تێبەربوویە و نەخوەش هەست ب بلندبوون و داکەتنا وێ دکت، ئەڤ جووڕ ل دویف بلندبوونا وێ لسەر پلان دهێت دابەشکرن:
• خوین بەربوویە و دیار نابت.
• شۆڕ دبت و بخوە ڤەدگەڕت و دبت خوین بەربوون دگەل دا بت.
• ل پلا سیێ، بەواسیر شۆڕ دبت و بخوە ڤەناگەڕت بەلکۆ ب دەستى دهێت ڤەگەڕاندن، و دبت خوین تێبەربت.
• بەواسیرەکا شۆڕبووى و باشڤە ڤەناگەڕت، نە بخوە و نە ب دەستى.
2- بەواسیریا ژ دەرڤە/ ئەڤ جووڕە بەواسیر دهێت دیتن و هەست پێکرن و ژ دەرڤەى راستە رویڤیکێ و پتریا جاران خوین تێبەر نابت بەلکۆ خوین تێدا د مەیت و بلند دبت.
ژ ڤان هەمى جووڕ و نیشانان، دکتۆرى باس ل چەوانیا خوە پاراستنێ ژ ڤێ نەخوەشیێ کر و گۆت:
باشترین رێک بۆ خوەپاراستنێ ژ ڤێ نەخوەشیێ پابەندى ڤان ئامووژگاریان ببن:
– زێدەکرنا خوارنێن ب لیفى.
– گەلەک ڤەخوارنا شلەمەنى و رووناتیا.
– خوە دویرى گەلەک بزاڤ و خوە گڤاشنێ بێخە ل دەمێ روینشتنێ بۆ دەستاڤێ.
– بتنێ وى دەمى هەڕە دەستاڤێ دەمێ پێویستیا تە پێهەبت.
– وەرزشەکا سڤک و پرۆگرامکرى.
– خوە دویر خستن ژ گەلەک روونشتنێ.
وەکۆ چارەسەرى، دکتۆرى باس ل دوو رێکان کر:
1- چارەسەرى ب دەرمانان/ ب کار ئینانا چەند جووڕە دەرمانان ل ژێر چاڤدیریا نۆژدارێ تایبەتمەند، بۆ ئارامکرن و پاشفەبرنا بەواسیرێ.
2- چارەسەریا نشتەرگەرى/ ئەوژى ژ چەند جووڕە نشتەرگەریان پێک دهێت:
• راکرنا بەواسیرێ، یا گرتى.
• راکرنا بەواسیرێ، یا ڤەکرى.
• گرێدانا دەمارا خوینبەر یا باسۆرى ب ریکا تیشکا (دۆبلەر).
• راکرنا بەواسیرێ ب رێکا ( تدبیس)ێ

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *