ل ڕۆژا چوارشه‌مبێ ڕێكه‌ڤتى (11/12/2019) لده‌مژمێر (11:00) سپێدێ، ب ئاماده‌بوونا ڕێزدار پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ و به‌رێز پرۆفیسۆرێ هاریكار دكتۆر (شێرزاد زه‌كه‌ریا محه‌مه‌د) ڕاگرێ فه‌كۆلتیا په‌روه‌رده‌ و به‌رێزان ڕاگرێن كۆلیژ و فه‌كۆلتیان و ڕێڤه‌به‌رێن سه‌نته‌ر و داموده‌زگه‌هێن حكومى و كه‌رتێ تایبه‌ت و ماموستا و قوتابییێن زانكۆیێ و سازییێن ڕاگه‌هاندنێ، د ڕێوره‌سمه‌كێ تایبه‌تدا سه‌رۆكایه‌تییا پشكا جوگرافیایێ ل فه‌كۆلتيا په‌روه‌ردێ ڕۆژا جیهانییا (چیایان) ب چه‌ندین كار و چالاكییان ل بیرهینان.

لده‌ستپێكێ سه‌رۆكێ زانكۆیا زاخۆ په‌یڤه‌ك ب هه‌لكه‌ڤتا ئه‌ڤێ ڕۆژێ پێشكێشكر و ب گرنگى باسێ چالاكییێن وه‌ها و دیرۆكا چیایێن كوردستانێ كر، هه‌روه‌سا د په‌یڤا خۆ دا ئاماژه‌ ب چه‌ندین كاودانێن دیرۆكى و ڕۆلێ چیایان د پاراستنا ئاخا هه‌رێما كوردستانێدا دا، پاشان سه‌رۆكێ زانكۆیێ پشته‌ڤانییا خۆ یا تایبه‌ت بۆ كار و بزاڤێن وه‌ها گرنگ ڕاگه‌هاند.

لدویڤدا په‌نه‌له‌ك تایبه‌ت ده‌رباره‌یى (ڕۆژا جیهانییا چیایان) هاته‌ گێران، د په‌نه‌لیدا ماموستا (خدر عه‌بدولكه‌ریم) ب تێر و ته‌سه‌لى باسێ ئه‌ڤێ ڕۆژێ و چاوانییا ده‌ستنیشانكرێ وه‌ك ڕۆژا جیهانییا چیایان ئاخڤى. هه‌روه‌سا چه‌ندین قوتابییێن پشكا جوگرافیایێ كورته‌ باسێن ڕێكخستى لدور چه‌ندین چیایێن كوردستانێ د ماوه‌یه‌كێ دیاركریدا پێشكێشكرن.

د برگه‌یه‌ك دیتر دا چه‌ندین دیاریێن تایبه‌ت هاتنه‌ پێشكێشكرن، وه‌ك به‌خشینا دیاریه‌ك ڕێزگرتنێ بۆ سه‌رۆكێ زانكۆیا زاخۆ، هه‌روه‌سا به‌خشینا دیارییه‌كێ بۆ سه‌رپه‌رشتا ئه‌ڤێ چالاكییێ ماموستا (زاهیدا سه‌لمان) و دیارییه‌ك دیتر ژبۆ ماموستا (خدر عه‌بدولكه‌ریم).

لدووماهییێ پێشانگه‌هه‌كا تایبه‌ت ب كه‌ره‌سته‌ و كه‌لوپه‌لێن چیاڤانى و تابلۆیێن چیایان دگه‌ل خوارنا شرینییه‌كێ ب ئه‌ڤێ هه‌لكه‌ڤتێ ل هۆلا كۆلیژێ هاتنه‌ ڕێكخستن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *