Skip to content
ل ڕۆژا سێشهمبێ ڕێكهڤتى (10/12/2019) ب ئامادهبوونا ڕێزدار پرۆفیسۆرێ هاریكار دكتۆر (لهزگین عهبدى جهمیل) سهرۆكێ زانكۆیا زاخۆ و ڕێزدار پرۆفیسۆرێ هاریكار دكتۆر (كاروان فههمى سامى) هاریكارێ سهرۆكێ زانكۆیێ بۆ كاروبارێن قوتابییان و بهرێزان ڕێڤهبهرێن سهنتهر و كۆمپانییا و نهخۆشخانهییێن گشتى و تاقیگههێن تایبهت ل پارێزگهها دهۆكێ، سهنتهرێ گهشهپێدانا كارى د ڕێورهسمهكێ تایبهتدا لدهمژمێر (11:30) سپێدێ ڕێز و سوپاسی ب ئهوان قوتابییان یێن ل وهرزێ هاڤینێ ب خۆبهخشى دگهل سازییێن كهرتێن حكومى و تایبهت كار دكرین بهخشین.
لدهسپێكێ ڕێزدار سهرۆكێ زانكۆیا زاخۆ پهیڤهك پێشكێشكر، د پهیڤا خۆ دا ب گرنگى كار و چالاكییێن سهنتهرێ گهشهپێدانا كارى ههلسهنگاندن، ههروهسا بهرێزى خوازت سهنتهرێ ناڤهاتى خالا ب ههڤگرێدانا زانكۆیێ و قوتایبیان بیت، ژبۆ ئهڤێ مهرهمێ پشتهڤانى و هاریكاریا خۆ بۆ بزاڤ و چالاكییێن سهنتهرى دیاركر.
پاشان ماموستا (دلین ئهدیب میرۆ) ڕێڤهبهرا سهنتهرى پهیڤا خۆ بۆ ئامادهبوویان خواند، د گۆتنێن خۆ دا ڕێڤهبهرێ ب تێر و تهسهلى باسێ كار و بزاڤێن سالا بورى و پلانا ئهڤ ساله كر، ههروهسا سوپاسییا ماموستا و گشت فهرمانبهرێن زانكۆیێ و ههر ئالییهكێ پشتهڤان د سهرئێخستنا كاریدا كر.
لدویڤدا چهندین قوتابیێن برێكا سهنتهرێ گهشهپێدانا كارى دگهل كهرتێن تایبهت یان حكومى كار كرین باس ل ئهزموونا خۆ بۆ ئامادهبوویان كرن، ب ئهڤێ چهنده مفایهك باش ژ ئهزموونا وان هاته وهرگرتن.
برگهیا دووماهییێ ژ ڕێورهسمان ژبۆ بهخشینا باوهرنامهیێن تایبهت یێن ژ حكومهتا ههرێما كوردستانێ ژبۆ كۆمپانییا و ماموستا و فهرمانبهرێن زانكۆیێ هاتینه تهرخانكرن ژلایێ سهرۆكێ زانكۆیێ و هاریكارێ وى هاتنه دان، ههروهها چهندین باوهرنامهیێن دیتر ژ ئالیێ سهنتهرێ ڕاهێنان و پێشخستنێ ب سهر چهندین قوتابییێن دى یێن كارا و ئهكتیڤ هاتنه بهلاڤهكرن.
Post Views:
0