Skip to content
دیدار: ادریس ئاسیهى
دكتۆرێ تایبه‌تمه‌ند: بشار ظاهر حسن
(فتق) نەخوەشیەکا زکماکى نینە، بەلکو ژ ئەگەرێ تەنکبوون و لاوازییا ڕوویێ ژناڤ زکی دایە و دگەل هەر گڤاشتنەکا دەرەکى یان ژناڤدا، ببت هۆکارێ ڤەبوونێ(فتقێ)؛ جاران پشتى شەش مەهان ژ دایکبوونێ، نیشان ب بلندبوونا جهەک تایبەت یان دوو جهان دەردکەڤن یان ژى پشتى ب سالەکێ.
گۆت ژى: فتقێ دوو جووڕ هەنە، جووڕێ ئێکێ فتقا پشتى ژ دایکبوونێ و یا دوویێ د ژیەک مەزندا دەردکەڤت لێ هەر گرێداى زاڕووکینیێ یە، ئانکو دبت چو ئێشان و نیشانێن دەرەکى د زاڕووکینیێ دا نەبن و دگەل خودانى مەزن ببن هەتا کۆ گڤاشتن لسەر دهێت کرن ژنوى پەیدادبت.
دكتۆرى گۆت: چو جاران فتق خوەبخوە چارە نابت بێی نشتەرگەرى ب تایبەت هەگەر ئاڤ دگەل دا بت و گرنگە بەرى سالەکێ نشتەرگەری بهێت ئەنجامدان. سەبارەت ب فتقا نافکێ، جاران خوەبخوە دزڤڕت، بەلێ هەگەر ژ سالەکێ دەربازبوو دڤیا ب نشتەرگەریێ بهێت چارەکرن.
دکتۆرى باس ل مەترسیێ کر و گۆت: فتق دگەل کۆچا گونى ( هندابوونا کتەک یان هەر دووگونان) لدەف زاڕووکى، دبت ل پاشەڕۆژێ لاوازى و کێماسییان ل دویڤ خوە بهێلت لەوا پێدڤیە چارەسەرکرنا زاڕۆکى بەرى دوو سالیێ بهێته‌کرن.
گۆت ژى: هەگەر د دەمەک نێزیکدا نشتەرگەرى بهێت ئەنجامدان، گەلەک ئاسانترە گەر گیرۆ بوو.
هەر بلندبوون و مەزنبوونەکا لەزگین د جهێ فتقێ دا دیار بوو، نیشانێن داکەتنا ڕویڤیکانە دناڤا جهێ فتقێ دا و دبت مەترسى، یان ژى هەگەر ئەو جهه شوین بوو، نیشانێن گرتنا ڕویڤیکانە و ب هەردوو حالەتان دڤیا دەملدەست نشتەرگەرى بهێت ئەنجامدان.
دکتۆرى باس ل باشما و لاوازیێن فتقێ کر و گۆت:
فتق دبت، ببت هۆکارێ:
• گرتنا رویڤیکان.
• گانگێرییا رویڤیکان.
• گڤاشتنێن لسەر گونان.
• هەودان.
لەورا ل داویێ د ئامۆژگاریێن خوە دا گوت:
لسەر دایبان فەرە چاڤدێریا جەستەیێ زاڕووکێ خوە بکن چ کچ بت یان کوڕ و هەر دەمێ نیشانێن فتقێ ل وان دیاربوون، باشترە ب زویترین دەم سەرەدانا نۆژدارى بکن.
گوت ژى: نشتەرگەریا فتقێ گەلک ئاسانە و پتریا نشتەرگەریێن ئەم دکه‌ن ئەڤ حالەتەنە و بتنێ 10 تا 15 خۆلەکان گیرۆ دبت و ئەڤ نشتەرگەرییە هیچ پاشمایێن لاواز لدویڤ خوە ناهێلت.
Post Views:
0