ل ڕۆژا ئێكشه‌مبێ ڕێكه‌ڤتى (1/12/2019) لده‌مژمێر (10:00) سپێدێ، ب ئاماده‌بوونا ڕێزدار پرۆفیسۆرێ هاریكارى دكتۆر (كاروان فه‌همى سامى) هاریكارێ سه‌رۆكێ زانكۆیێ بۆ كاروبارێن قوتابییان و به‌رێز پرۆفیسۆرێ هاریكار دكتۆر (نه‌وفه‌ل ڕه‌شید حسێن) ڕاگرێ كۆلیژا پزیشكى و به‌رێز دكتۆر (قه‌ره‌نى سه‌عید عه‌بدۆلا) ڕێڤه‌به‌رێ ساخله‌مییا زاخۆ و ماموستا (دلین ئه‌دیب میرۆ) ڕێڤه‌به‌را سه‌نته‌رێ گه‌شه‌پێدانا كارى و ماموستا و قوتابیێن زانكۆیێ و ده‌زگه‌هێن ڕاگه‌هاندنێ، كۆلیژا پزیشكى د ڕێوره‌سمه‌كێ تایبه‌تدا ڕابوون ب ساخكرنا ڕۆژا جیهانییا (نه‌خۆشییا ئایدزى) ل هۆلا (ڕۆژ) ل كۆلیژا كارگێرى و ئابوورى.

لده‌سپێكێ په‌یڤا ڕاگرییا كۆلیژا پزیشكى ژلایێ به‌رێز ڕاگرێ كۆلیژێ هاته‌ پێشكێشكرن، د په‌یڤا خۆ دا جه‌نابێ ڕاگرى ب ئاوایه‌كێ زانستییانه‌ باسێ نه‌خۆشییا ئایدزێ كر. هه‌روه‌سا ئاماژه‌ ب چاوانییا خۆ پاراستن و ڕێگریكرنێ ل به‌لاڤه‌بوونا ئه‌ڤێ نه‌خۆشییێ دا.
لدویڤدا په‌یڤا ڕێزدار (قه‌ره‌نى سه‌عید) هاته‌ خواندن، ناڤهینایى د په‌یڤا خۆ دا ب ئاوایه‌كێ ڕێكخستى باسێ ئه‌ڤێ جۆره‌ نه‌خۆشییێ كر، هه‌روه‌ها باس ل پرۆسێسا چاره‌سه‌ركرنا تووش بوویێ ئه‌ڤى جۆره‌ ڤایرۆسى كر. ڕێڤه‌به‌رێ ساخله‌میێ گۆت: خۆشبه‌ختانه‌ هه‌تا ده‌مێ نوكه‌ ل (قه‌زا زاخۆ) هیچ حاله‌ته‌كێ ئه‌ڤێ نه‌خۆشیێ نه‌هاتییه‌ تۆماركرن.

پاشان بڕگه‌ و په‌نه‌لێن ساخكرنا ڕۆژا جیهانییا نه‌خۆشییا ئایدزێ ب پێشكێشكرنا چه‌ندین سمینارێن گرنگ و ئامارى ل سه‌رتاسه‌رى جیهانێ و ب تایبه‌ت ل وه‌لاتێ ئیراقێ ده‌ستپێكرن، هه‌روه‌سا دناڤ ئاڤاهییێ كولیژا كارگێرى و ئابووریدا تاقیكرنێن ئه‌ڤى جۆره‌ ڤایرۆسى بۆ ئاماده‌بوویێن په‌نه‌لى ب هه‌روه‌یى هاتنه‌ ئه‌نجامدان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *