ل ڕۆژا پێنجشه‌مبێ ڕێكه‌ڤتى (28/11/2019) لده‌مژمێر (4:00) ئێڤارى، پرۆژه‌یێ موكسى یێ چاپ و به‌لاڤه‌كرنێ د ڕێوره‌سمه‌كێ تایبه‌تدا ڕۆمانا نوى یا نڤیسكارێ كورد (سه‌برى سلێڤانه‌یى) ئه‌وا لژێر ناڤونیشانێ (ده‌رگه‌هێ دونیایێ) ل هۆلا ئێكه‌تییا نڤێسه‌رێن كورد تایێ دهۆكێ ب ئیمزا نڤێسه‌رى به‌لاڤه‌كرن.

د ڕێوره‌سمێن ئیمزاركرنا په‌رتووكێدا په‌نه‌له‌ك تایبه‌ت ده‌رباره‌یى ڕۆمانێ هاتبوو ڕێكخستن، د ئه‌ڤى په‌نه‌لیدا به‌رێز (دلێر كه‌مال ئه‌حمه‌د) سه‌رپه‌شتێ پشكا زمانێ كوردى ل مالپه‌رێ خه‌ده‌نگ ل زانكۆيا زاخۆ ب كورته‌ باسه‌كێ پشكدارى د ڕێوره‌سماندا كر. ناڤهینایى د ده‌مێ خۆ یێ دیاركریدا ب ڕێك و پێكى ده‌رباره‌یى نویترین ڕۆمانا نڤیسكارى و مژارێن سه‌ره‌كى د جیهانا ئه‌ده‌بییاتێدا ب تایبه‌ت د جیهانا ژانرێ ڕۆمانێدا بۆ نموونه‌ (كه‌ڤالێ به‌رگى، ناڤونیشان، ته‌كنیك، ڤه‌گێران، زمان و كارێكته‌ر …هتد) ئاخڤى. ب ئه‌ڤێ چه‌ندێ ئاماده‌بوویێن ڕۆژا ئیمزایێ خۆشحالیا خۆ ب كورته‌ باسێ ڤه‌كۆله‌رى دیاركرن و خوازتن لسه‌ر كار و چالاكییێن وه‌ها به‌رده‌وام بیت.

لدوماهییێ برگه‌یه‌ك تایبه‌ت ژلایێ ڕێكخه‌ران ژبۆ به‌خشینا دیاریێن ڕێزگرتنێ ب ئه‌وان كه‌سان یێن پشكدارى د ڕۆژا ئیمزایێدا كرین هاتبوو ته‌رخانكرن، ب ئه‌ڤێ چه‌ندێ به‌رێز (دلێر كه‌مال ئه‌حمه‌د) ژ زانكۆیا زاخۆ ئێك ژ ئه‌وان كه‌سان بوو یێن دیارى وه‌رگرتى.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *