دیدار / ادریس ئاسیهى.
نۆژدار رێژین سلێمان سعدی، ب کورتى لسەر ڤى بابەتى ئاخفت و گۆت هەر چەندە حالەتێ گڤاشتنێن زکى PMS بەرى کچ یان ژن بکەڤت دەورا خوە یا هەیڤانە ب رێژەیەکا مەزن بەربەلاڤە لێ ڕویدانەکا سرۆشتیە و هۆکارێن وێ دزڤڕن ژ ڤەڕێژا چەند هۆرمۆنەکان دناڤ لەشى دا، وەکۆ هۆرمۆنێ progesterone – GABA- Serotonin وگۆت : ئیشانا زکى و سینگى دگەل چەند گڤاشتنێن دەرۆنى و تێکچوونا هزرى، چەند نیشانەکێن پێشوەختن ئافرەت بەرى 10 – 14 ڕۆژان ژ ژڤانێ دەورا خوە تۆش دبت، و زکئێشەکا دژوار پەیدا دکن؛ ئەڤە هەمى دبن سەدەمێ کارتێکرنێ لسەر ژیانا ڕۆژانە یا ئافرەتێ.
وگۆت: ئەڤ حالەتێ ئەم لێ بەحس دکن جیاوازە دگەل (ئێشانا زکى ئەوا ئێک تا دوو ڕۆژان ڤەدکێشت، و گەلەک گڤاشتنان لسەر ئافرەتێ ناکت).
گۆت ژى: ئەڤ حالەت ناهێتە دەستنیشانکرن ب رێکا پشکنینێن تاقیگەهان یان ب رێکا سۆنارێ بەلکۆ ب ڕێکا پشکنینا سەردەست (سریری) ژ لایێ نۆژداریڤە و پاشى بۆ ماوێ دوو مەهان چاڤدێرى لێ دهێت کرن.
سەبارەت ب چارەسەریێ، دکتۆرایێ گۆت: چارەسەریا ڤى حالەتى ب چەند پێنگاڤەکان دهێت کرن وەکو:
1- گهۆڕینا شێوازێ ژیانا ڕۆژانە، وەکۆ کێمکرنا خوارنێ و ب کارئینانا خوارنێن کێم خوێ و گەلەک ڤەخوارنا ئاڤێ و خوارنا فێقى و کەسکاتیێ، ئەڤە هەمى دێ بن هۆکارێ کێمبوونا گازێن زکى و نەهێلان یان سڤککرنا ئێش و گڤاشتنێن زکى.
2- وەرزشەکا سڤک و بەردەوام.
3- نڤستن بۆ ماوێ 8 دەمژمێران و چەند ڕاهێنانێن خاڤبوونێ وەکۆ یۆگایێ .
4- وەگرتنا هندەک ڤیتامیناتان.
5- چارەسەرى ب دەرمانان، ل دویڤ حالەتى و بڕیارا نۆژدارى دمینت .
دکتۆرایێ ڕوونکر و گۆت ژى: ئەڤ حالەت د ماوه‌يێ دووگیانیێ و بەرى پێگەهشتنا کچێ و د ژیێ مەزن دا ناهێت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *