نڤیسەر: یەشار کەمال
وەرگێڕ: ڕوناک فەتحی
کورتکرنا ڕۆمانێ: ئادەم عەلی
ئەڤ ڕۆمانە باس ل ڕوودانا دوو ئەڤیندادارن دکە، کەتوارێ جڤاکی کوردی پیشانی مە ددە، نڤیسەر باسا ڕەوشت و تیتالێن کوردی دکە کو لسەر جڤاکا کوردی زاڵە، مینا عەشیرەتگەریێ و باب سالاریێ، کو هنەک ژ وان داب و نەریتان د باشن و هنەک ژی خرابن، هنەک ژی بەرگریێ ل ڕەوشت و تیتالێن خوە دکن، یەشار کەمال گەلک ب جوانی باسا ڕەشت و تیتالێن کوردی ب ئەڤینیێ ڕە تەڤلی هەڤ دکە و دیمەنەک ڕاستیین نیشانی مە ددە، باسا چیرۆکا کەچەکێ ژمەرە دکە و کو گەلکی بوێر و چەعف نەترسە ژبۆ ئەڤینا خوە هەر تشتی دکە کو بگیژە ئەڤینا خوە و دژی هەر تشتی ڕادوەستە و هەتا کو بابێ وێ ژی پاشایە ژی ل هەمبەری بابێ خوە ژی ڕادبە، ب هەموو ڕەنگان و شێوان دخازە ئەڤینا خوە بپارێزە. لڤر ململانێ گەلک توندە دناڤبەرا پاشا و تەخا خەلکێ دە، لێ خەلک دبنە چیا، دبنە پۆڵا، ئاخفتنا وان یەکە ە نابە دوو، ئەڤ خەلک کوردن، ب غیرەتن، خوەدی بیروباوەرن، ئەڤ خەلک لسەر بیروباوەرێن خوە د موکم و ڕژدن، ل هەمبەر پاشا د راوەستن و ب هەموو شێوان بەرەڤانیێ ژ ڕەشت و تیتالێن خوە دکن و دبنە چیا ل هەمبەر پاشا، ویەک ژ ئەوان چیایان ژی ئەڤیندارە و ئەڤیندارێ کەچا پاشا یە.
کەچا پاشا ژی ژبەر ئەڤینا خوە مل ب ملێ خەلکێ دگرە و ل هەمبەر بابێ خوە ڕادبە و هێزا ڕەوشت و تیتالان بسەر هێزا پاشا دکەڤە و پاشا نەچار دمینە سەرێ خوە بتەوینە ل هەمبەر خوەستەکێن تەخا خەلکێ، د دەما هێرز بوونا چیایی و کینا ئاگری هەردوو ئەڤیندار دگیژنە هەڤدوو، ل دەما دگەهنە هەڤدوو دیسان ل هەڤدوو ووندا دبن…

یەشار کەمال گەلەک ب جوانی باسا دەڤەرا ئاگری کریە و بگرە ژ وەسفا چیا و ڕووبار و دەریاچان(گوولا) دەشت و نهالا، هەردیسان باسا ئاخ و هەرچوار وەرزێن سالێ ب جوانی و نازکی باس کریە، ئەڤ ڕۆمان ژی لدوو چیایێ ئاگری یە ژبەرکو ڕوودان ل دەڤەرا ئاگری یە کو دکەڤە باکوورێ کوردستانێ، و کارەکتەرێن رۆمانی ژی (ئەحمەد، گۆلبهار، مەحموود خان، مەمو، سوفی، حەسویێ ئاسنگەر، بەگێ خوشابی،….) پێک دهێن.

ئەمێ دەست ب کورتییا ڕوودانا ڕۆمانێ بکن

چیرۆک ژ هاتنا هەسپەکێ بۆ بەر دەریێ مالا ئەحمەد دەستپێدکە، هەسپەک درەخشان و لسەر پشتا وی زینەکێ(کوفەکێ) زێرین گرێدایی بوو، سۆفی گوتە ئەحمەدی ئەڤە ژ دوهی ئێڤاری وەرە ئەڤ هەسپ ل بەردەریێ مالا تەیە، قەی مێهڤان ژتەرە هاتنە، ئەحمەد گۆت نا; سۆفی کەت هزرا و گوت من گەلەک جۆرێن هەسپان دیتنە د ژیانا خوەدا لێ من هەسپەک هوسا چوجاران نەدیتییە و دبە ئەڤ هەسپ یێ میرا یان بەگان یان کاربەدەستێن حکومەتێ بن، ئەحمەد ژی کەتبوو دهەمان هزران دە، سوفی گوتە ئەحمەد دبە ئەڤ هەسپ نەسیب بە یان ژی نیشانا بەلا و فەلاکەتێ بە ژتەرە…
سوفی گوت ئەحمەد هەرە ئەڤی هەسپی ببە دەرڤەی گوندی و ل وێدەری بەردە، و وەرە مالێ هەگەر هاتو دیسا هەسپ زڤری سێ جاران ئەڤێ کریارێ بکە هەگەر هەر زڤری بەر دەریێ مالا تە ئەو دبە نەسیبێ تە و هەتا هەگەر ئەڤ هەسپ یێ میر یان شاهێن ئوسمانییان یان عەجەمان یان ڕۆستەمێ زاڵ بە و سەرێ تە دبەر دە هەرێ نابە هەسپ بدی وان، ئەحمەدی سێ جاران هەسپ برە دەرڤەی گوند و هەر هەسپ دهاتە بەر دەرێ مالێ، ئەحمەد گوتە سوفی دبە ئەڤ قەدەرا من بە.
هەموو خەلکێ گوند ب ئەڤی بەختێ ئەحمەدی حەسسیان و هنەکا ب بەختەک باش ددانی و هنەکا بەختەک ڕەش و خراب ددانی، هەتا کو ئەڤ ڕوودان ل هەموو گوند و ناوچەیێن ئاگری و دەڤەرێن ئیرانێ بەلاڤ بوو، گەلکا حەسیدی ب ئەحمەد دبر. ئەحمەد ژی هەردەم ب هەسپێ خوە دگەریا و ب برایێن خوەرا دچوو بازرگانیێ ل دەڤەرێن ئیرانێ و کەل و پەل دکرین.
لێ شەش مەهـ دسەرئەڤێ ڕوودانێ دەرباز بوون و ئەحمەدی ژی ژبیرکربوو، ڕۆژەکێ سوفی ب پشتا خوەیا خوەهرڤە و کوپالێ وی دەست وی دە، هاتە نک ئەحمەد و گوتیێ ئەحمەد تو پێ حەسیایی کو هەر کەسێ هەسپێ مەحموود پاشای بزڤرینت یێ پێنج هەسپ و پێنجی پەرێن زێری پەرێن زێری بستینە، و ل مالا کی ب بینن و ل نک کی ب بینن یێ سەرێ وی لێ بدن.
ئەحمەد گوت ئەم چبکن؟ ئەڤ هەسپ دیاریا منە.
سوفی گوتێ: مەحموود خان دێ سۆپایی بۆ مە فرێکەت و سەرێ مە ژێ ڤەکە، و شاهەک ب هێزە.
ئەحمەدی گوت: لێ ئەڤ هەسپە بۆیە ڕزقێ من.
پشتی بۆرینا هەیڤەکێ خزمەتکارێن مەحموود خانی هاتن مالا ئەحمەدی و گوتنێ; پاشای گوتییە هەر ژ مال و مولکی و پارە و زێر و هەسپا بگریت، چ بڤێت ئەز دێ دەمێ بەس بلا هەسپێ من بزڤرینە، گوت دزانم هەسپێ من چوویە بەر دەرێ مالا وی، لێ دخازم بزڤرینە.
ئەحمەدی گوتە وان: وەسا دیارە پاشا نزانە ئەڤ هەسپە بۆیە دیاری بۆ من و دیاری ژی نایتێ زڤراندن، خوە ئەگەر سەرێ من ژی لێ بدن، هەسپ نایە زڤراندن، دڤێ پاشا ڤێ یەکێ باش بزانە.
خزمەتکارێن پاشای چوون، دەست ژ لنگا دڕێژتر، مەحموود خانی پێشبینیا هندێ دکر کو ئەحمەد هەسپێ وی نەدیێ، هەگەر هەسپەک وەسا بەرکەتی هاتبا بەر دەرێ مالا مەحموود خانی ژی وی ژی یێ هەمان تشت بکرا و هەسپ نەدڤراند، لێ ژبەرکو وی خوە ددیت پاشا و دڤییا ب هێزا خوە هەسپێ خوە بزڤرینە.
لێ ژبەرکو ئەڤ تشت ناڤ خەلکێ چیایی دە نەریتەک بوو، خەلکێ گوندی هەموو ل پشتا ئەحمەد بوو ل هەمبەری پاشا، ژبەرکو هەسپ دیاری بوو و دیاری ژی نایە زڤراندن.
پاشای فەرمان کر سەرکردایەتییا لەشکەرێ خوە بکە و دەست بسەر گوندێن چیاییان دە بگرە و هەموو گوندان تالان بکە و بشەوتینە، نێزیکی گوند بوو دیت کو پیرەمێرەکێ پشت خوار هاتە پێشا پاشا کو ئەو پیرەمێر ژی سوفی بوو، سوفی گوتە پاشا ئەرێ ما تو ژ خودێ نا ترسی خوە شاهێن ئوسمانییا ژی ئەڤێ چەندێ ناکەن یا تو دکی و بابێ تە کەسەک مەزن بوو، ژمال بەگان بوو و ئەگەر ئەو ل شوینا تەبا وی دخازا تشتەک وەسا بەر نەکەتی نەدکر، پاشای فەرمان دا کو ڤی پیرەمێری بگرن و زیندان بکەن، ئەڤجا پاشا بەردەوامی دا پێشڤەجوونێ هەر گوندەکێ بچوویایێ یێ ڤالە بوو، خوە دا بێژی چ جارا مرۆڤ ل ڤان گوندان نەژیانە، نە بالندە و نە گیانەوەرەک ژی نەدیتن ل ڤان گوندان، پاشا ب دیتنا ڤان گوندێن ڤالا پتر هێرس دبوو و چاڤێن وی سوور ببون و چ ژ بەگێن پێرە ندکارین باخڤن، مەلا کەریم بۆ ڕێبەرێ وان بەگان و چوو نک مەحموود خانی و گوت ئەزبەنی ئەڤان چیاییا خوە ڤەشارتنە و دنها دە گەلەک زۆرە ئەم وان پەیدا بکن، بهێلە ئەم بزڤرن و سۆز بە ئەم هەسپ و ئەحمەد ژبەری هاتنا بوهارێ بگرن و بینن بەر دەست تە، پاشا بڤێ یەکێ ڕازی بوو و زڤری کوچکا خوە.
پاشا ژی ژ ئویجاخەکا مەزن بوو، پلە و پایەیێن خوە ستاندن بوو ژلایێ شاهێن ئوسمانییان ڤە و پاشا کەسەک خواندەڤان و بهێز بوو، بابی وی کوچکەکا هەری مەزن ل دەهمەنا چیایی بایەزیدی دروست کربوو. پاشایی سێ ژن هەبوون و ژنەکا وی ئەرمەنی بوو، ژنەکا کورد هەبوو، ژنا وی یا سیێ ژ کافقازییا بوو، پاشای سێ کەچ و پێنچ کوڕ هەبوون، ناڤێن کەچێن شاهی ژی گۆلستان، گۆلڕێژ، گۆلبهار بوون، گۆلستان ژ ژنا ئەرمەنی بوو، مژیلانکێن درێژ و چەعڤێن ڕەش، بەژنەکا بلند و پۆرەکا سوود هەبوو، هەمی جاران جلێن وێ ژ ئیستەنبۆلێ دهاتن. گۆلڕێژێ ژی پۆرەکا بۆر هەبوو و گەردەنەکا وەکە قازێ و مژیلانکێن چەماندی و چەعڤێن کەسک هەبوون، ئەوێ ژی وەکە ئیستەنبۆلیان جل لبەر خوە دکرن، گۆلڕێژێ دیوانا (مەم و زین) یا ئەحمەدێ خانێ هەموو ژبەرکربوو، هەر گاڤا چووبا نک بابێ خوە ژ بابێ خوەرە هۆزان دگۆتن، شاهی ژ هەمی پتر ژ گۆلڕێژێ حەزدکر. گۆلبهار کەچەک بەژن بلند، گەنموکی و ڕند و نازک بوو وەکە خوەهێن خوە نەبوو، وەکە ژنکێن چیاییان جلێن نەخشاندی و ڕەنگاوڕەنگ لبەر خوە دکرن، کەزیێن خوە یێن ڤەهاندی دبەردان و گەردەنا خوەیا زێرینی، وەکە ئاگرییا گەردەنا زێری و بازنکێن مراوری دکرن دەست خوەدە، گەلکی زیرەک و کێم ئاخڤتن بوو، نازک و ناز دگرنژی، خوشک و برایێن وێ کێم دەردکەتن ژمال، لێ گۆلبهار ژمال دەردکەت و دچوو ناڤ خەلکێ و بەژداری د خوەشی و نەخوەشیێن وان دە دکرن، خەلکێ ئاگری گەلەک ئەو دڤیان و ژێ حەز دکرن.
پاشای هەردەم دگوت ئەگەر ئەڤ کەچ بایە، یێ پاشایەتییا هەموو ئاگریا بکرایە ژبەر شیانێن وێ، خەلکێ ئاگری بناڤێ وێ گازی نەدکر و دگۆتنێ لێڤ شەکر، دەما د گرنژی ئالەکێ وێ قوور دبوون، وەسا دیار بوو چاڤێن وێ د حەسرەتەکا دوتر دشەوتین و د بوهارا بیست سالییا ژیێ خوەدا بوو.
گۆلبهارێ ژ هەرکەسێ پتر دیڤچوونا بابەتێ هەسپێ بابێ خوە دکر و ئەڤ تشت ژی هەموو ژ سوفی زانی بوون، سوفی د زیندانا کوچکێ دا بوو، هەردەم ئاڤ و خوارن گۆلبهارێ ژێرە دبر، کەیفا وێ ژ سوفی رە دهات، سوفی دگوتیێ ئەحمەد هەسپێ نازڤرینە و ژبەرکو دیاری نایێن زڤراندن و خوە ئەگەر خەلکێن ئاگری هەموو سەرێن خوە بەردە بدن.
پاشا بڤێ پەیوەندییا گۆلبهارێ و سوفی زانی، گوتە وان بۆ من سوفی بینن و پاشای داخاز ژ سوفی کر کو جیێ ئەحمەد و ئاگریا پیشانی پاشا بدێ، سوفی ژی گوتیێ نە ئەحمەد دهێت و نە هەسپ دزڤریت و هەسپ دیارییا خودایی یە، لێ ئیمکان هەیە ئەحمەد بزڤریت، پاشا هێرس بوو و گوتنە پاسەوانان سوفی دیسا ببن زیندانێ، و گازی گۆلبهارێ کر و گوتیێ دەستا ژ سوفی بەردە…
پشتی مدەهەکێ سەرۆکێ عەشیرەتا حەیدەران پەیامەک بۆ شاهی ڕێکر: کو بێ خەمبە و مە جیێ هەسپی و ئەحمەدی چیاییان دیتییە و ڤان نێزیکان ئەمێ هەموویان بگرن و بیننە بەر دەست تە. ئەحمەدی ژی هەمی خەلکێ چیایی و شەمزینان لدوور خوە کوم کربوون و بەرەڤ چیایێ هەکاری چووبوون، بەگ و دۆستێن پاشای میسا بەگ کورێ ئاغای میلان ڕێکرنە با ئەحمەد و ئەحمەد ژی ب گەرمی پێشوازییا میسا بەگی کر. میسا بەگی هەمی بابەت بۆ ئەحمەدی ڤەگێرا و ژێرا گوت: پاشایی دڤێت تە ببینت و هەسپ نەڤێت و چ شوول ژی بی خەلکێ نینە، بلا بزڤرن سەر جهــ و وارێن خوە، تەنێ دڤێ تە ببینە و بزانە ئەو کەس چەوایە کو هەسپێ وی هەژی بوویە و چوویە بەر دەرێ مالا وی، پاشای خوەست کو من ڕێکە ڕەخ تە و بزانم کا ئەڤ چ زە میسا بەگی ئەحمەد ڕازی کر و گەل خوە بر بۆ کوچکا شاهی، شاهـ ژی ب مەزناهی و عاجزیڤە ڕۆبرووی ئەحمەد ڤە بوو و گوت:
بێژە بزانم، هەسپێ من ل کیڤەیە؟
ئەحمەدی گوت: یێ ل مالا خوە.
شاهی ب لاوازڤەگوتێ، تە هەسپێ من دزییە و دزانی دزینا هەسپی شاهی چ سزایەک هەیە؟
ئەحمەدی گوتێ من هەسپێ تە نەدزییە و هەسپ دیارییا خودایی یە و هەسپ نایتە زڤراندن، توژی هەر ژ ئوجاخا مە چیاییانی، ما قەی تو نزانی ئەڤ یەک دابونەریتەکە لناڤ مە ئاگری یا و هەزاران سالە باب و باپیرێن مە ڤێ یەکێ دکن؟
شاهــ پشتی ڤان ئاخفتنان هێرس بوو و گوتە ئەحمەد نا ئەز نزانم ڤان تشتا یان هەسپێ من یان سەرێ تە، گوتە پاسەوانان زوو باڤێژنە زیندانێ ڤە.
میسا بەگی ئەڤ هزرە نەکر و ب نەڕازیبوون ڤە گوتە شاهی: ئەڤ کارێ تە کری نە کارێ مرۆڤانە، من ئەحمەد ئانی نەژبەر هندێ کو بکی دزیندانێ دە، تە نەوەی ب مەڕە کر، و تە ئەم سەردە برن. پاشا دیسا هێرس بوو و هەوار کر گوت: ئەڤی بەگی ژی باڤێژن زیندانێ دە. ئەڤ یەکا پاشا ب ئەحمەد و میسا بەگی کری، ل هەموو دەڤەرێن ئاگری و شەمزینان و ئاگری بەلاڤ بوو و دناڤ هویر و گراندا.
د زیندانێ دە سوفی و ئەحمەد و میسا بەگ گەهشتن هەڤ، و سوفی ب دیتنا ئەحمەد شاد بوو، میسا بەگی لێبورین ژ ئەحمەدی خواست و ژێرا گوت کو ئەوی ئەڤ یەک ندزانی، پاشێ ب هەڤرا مان هەتا شەڤ، و ئەحمەدی ژی دەست ب کینا ئاوازا ئاگری کر و بلور لێدا، گۆلبهار ئەڤ ئاواز ژ نوو بهیست و نکاری براوەستە د مالدە و یەکسەر بەرێ خوە دا زیندانێ و لپەی دەنگێ کینا ئاگری دهات و ئەرد و ئەسمان و چیا دهەژاندن دەما ئەحمەد بلور لێ ددا.
گۆلبهارێ چ پویتە ب ترسا بابێ خوە نەکر، ب هێجەتا سوفی ئەحمەد ژی دیت، چەعفێن وێ ب بلورڤانێ نوو کەت و ددەمەکێ دا هەست ب گەرماتییا ئەڤینێ هەمبەر ئەحمەد کر و ژ ڕەفتارێن بابێ خوە دین ببوو، ئەوێ رۆژێ دگەک هنەک ژنان چوو لێنانگەهێ و خوارنێ خوەش ژبۆ زیندانییان چێکرن و برێا خزمەتکاران خوارن بۆ زیندانییان ڕێکرن، دیا وێ بڤێ یەکێ حەسیا، گوتە کەچا خوە; بابێ تە بڤێ یەکێ بزانە ئەم هەموو یێ ژناڤ بچن. گۆلبهارێ گوتیێ; پشتی ڤێ شەرمەزارییا بسەرێ مە هاتی، ئەز دیتر ژ چ تشتی ناترسم.
پشتی دەمەک درێژ بوری، بەگان چ بەرسڤ نەدان پاشای و ژبۆ زڤراندنا هەسپێ وی، ئەحمەد و میسا بەگ ژی هێژان د قولانچا زیندانێ دە بوون، هەر دیسا هەرجار بدزیڤە گۆلبهارێ خوارنێن پر خوەش ژبۆ زیندانیان دبرن و گەلک جاران ب هێجەتا خوارنێ دچوو بۆ دیتنا ئەحمەد، جارەکێ ژ سوفی خوەست کو ئیشەڤ دخوازێ ب ئەحمەد رە باخڤە، ئەحمەد ژی یەکی خوەدی ڕەهێن خەلەک و زەر بوو، مژویلانکێن چەماندی و خەمەکا کویر د چەعڤێن وی یێن کەسک و مەزن دا هەبوون، خوەدی زەند و باسکێن مەزن و بهێز بوون، دێمی وی یێ زراڤ و ڤەکشیای، هەروەکو خەما ئاگرییا هەموو لسەر دێمێ وی بوو، نیرینا وی وەسا بوو کو دلێ هەر کەسکی د شەوتاند.
چەند پتر ڕۆژ بۆریبان پتر ئەڤین و عەشقا گۆلبهارێ زێدەتر لێ دهات ژبۆ ئەحمەدی، ڕۆژەکێ نەکاری لسەر خوە زال بە و بەرەڤ زیندانێ ڤە هات و چوو بۆ دیتنا ئەحمەد و دەما ئەوان هەڤدوو دیتی و مرۆڤ وەسا دزانی کو ژمێژەیە هەردوو ژ هەڤ حەز دکەن و عاشقێ هەڤدوونە، و هەرشەڤ ژی گۆلبهار لسەر هزرێن ئەڤینا خوە س ڕازا، و دژوورا خوە دا دچوو دهات ل نیڤ شەڤان، دکەت د هزرێن کویر دە، جارنا دگۆت ئەز کەچا پاشا مە و بابێ من چوجارا نادە یەکی وەکە ئەحمەد کو چیاییە و لهەمبەر بابێ من ڕاوەستیایە، ئەڤ هەموو هزر د سەرێ گۆلبهارێ دە دهاتن و دچوو وەکە خەیالان.
گۆلبهار گەلەک جارێن دن ژی چوو سەرەدانا ئەحمەد د زیندانێ دە و بدزی بابێ خوەڤە، لێ ڤێجارێ پاشای چل رۆژ موهلەت دا زیندانییان کو د وی مدەهێ دە هەسپی وی بزڤرینن ئەگەر نە دێ سەرێ وان ژێڤەکت، پشتی گۆلبهارێ ئەڤ یەک زانی، کەت د هزران دە و دخوەست ئالیکارییا ئەحمەد بکە و ڕزگار بکە و هن جارا ژ خوەرە دگۆت ئەگەر ئەز بخوە بچم نک چیاییان و داخوازا هەسپی بکم گەلو یێ بدن من، هەر ئەڤ هزر دکرن و خوەست ڤێ یەکێ ژ برایێ خوە یێ بناڤێ یوسڤ رە بکێ، ژبەرکو یوسڤ کەسەک پر باش بوو ژبۆ گۆلبهارێ، شەڤەکێ دەرونگ گۆلبهار بەرێ خوە دا ژوورا یوسڤی و دیت یوسڤ یێ ب تویژکرنا شویرێ خوەڤە مژیلە، یوسڤ گوتیێ گۆلبهار ئەڤ توی خێرە ڤێ نیڤ شەڤێ، گۆلبهارێ سەرێ خوە دانی سەر ملێن یوسڤ و گریا، یوسڤ گوتیێ خێرە خوشکا من، چما دگری، گۆلبهاری گوتێ من ژمرنێ خلاس بکە، وەرە ئەم ب هەڤرە هەرن با چیاییان و ژوان بخوازن هەسپ بزڤرینن و بلا بابێ من ئەوان نەکوژە، یوسڤ ب دەردێ وێ زانی و گوتیێ گۆلبهار ئەڤ تو چ دکی، بابێ مە بزانێ وەلە یێ تە بکوژە، وەلە یێ تە بکوژە، یوسڤ وەکە دینا لێ هات دەما ئەڤ یەک ژ گۆلبهارێ بهیستی، گۆلبهارێ گوتیێ ئەگەر هەسپ نە زڤرینن بێ ئەرێ و نەرێ یێ سەرێ ئەحمەد ژێڤەکن و پاشێ ئەز ژی یێ خوە بکوژم، ئەحمەد گوتیێ ژخوە یێ تەژی بکوژن هەوجە ناکە خوە بکوژی، یوسڤی گوتیێ ئەز بتەرە نایتم و بابێ من یێ تە بکوژە، گۆلبهارێ ژی گوتیێ من چ ئومێدەک بتە نەما برا، لێ برایەک باشبە و ڤێ یەکێ ژ چ کەسا ڕە نەبێژە، یوسڤی گوتیێ ئەزێ چەوا ئەشکەرا بکم گۆلبهار…
گۆلبهارێ لبەر پەنجەرا ژوورا خوە ڕوینشتبوو، بەرێ خوە ددا دکانا حەسویێ ئاسنگەر، هات هزرا وێ کو ژ حەسو ئالیکاریێ بخوازە، ڕابوو چوو نک حەسوو و بابەتێ خوە هەموو ژی ژ حەسویێ ئاسنگەر رە گوت، حەسووژی گوت ئەزێ بەرێ دە بدمە کەسەکێ بەلکو ئەو ڕێکە چارەیەکێ ژتەرە ببینێ، ئەوژی پیرێ کالە، پیرێ کال کەسەک بناڤودەنگ بوو مالا وی لسەر رێا کاروانییا بوو و ئەوی ئالیکارییا کەسێن دەستکورت و هەژار دکر، خەلکێ دڤەرێ هەموویا ڕێز لێ دگرت، گۆلبهار چوو نک و بابەتێ خوە هەموو ژ پیرێ کال رە گوت، پیرێ کال ژی گوتیێ ژبەری رۆژا سەرێ وان ژێڤەکن ئەز و حەسویێ ئاسنگەر هەسپ بزڤرینن، ئەڤ یەک ژی گەشاتییەک د دێمێ گۆلبهارێ دە دەرکەت و دلخوەش بوو ڤێ ئالیکاریێ و زڤری مال، ئەڤ یەک لناڤ هەموو خەلکێ بەلاڤ بوو کو پیرێ کال یێ بچە هەسپ بینە، ئەڤ نووچە ل هەموو دەڤەرێن دەردوور بەلاڤ بوو، پاشا بڤێ یەکێ زانی هێرس بوو، گوت چەوا دبە پیرێ کال ب مەسەلەک هوسا رە عەلەقەدار بە، ئەڤ یەک نە کارێ وییە، ئەو هەسپ بزڤرینن ژی رۆژا ئەینیێ ئەزیێ هەر سەرێ وان ژێڤەکم و باڤێژم بەر کوچکان، لێ ژبەری رۆژا ئەینیێ کو ل ئێڤارییا ڕۆژا چارشمەبیێ هەسپ ئانین بەر دەرێ کوچکێ گرێ دا.
خوشی و شاهی د کۆلانێن باژێریدا بلندبوون، خەلکێ جلێن نوو لبەر خوە کرن، ژنان خوە د زێر و زیڤاندە هێلان.
گۆلبهار ژی گەلەک شاد بوو، بەزی بۆ رەخێ زیندانێ و ژ مەموێ دەرگەڤانێ کلیل خوەستن، مەمو ژی خورتەک شەرمین بوو، گوتە گۆلبهارێ هەرن ڤێ ژوورا هەنێ و هێدی باخڤن دا چ کەس گوهـ لوە نەبە، گۆلبهار و ئەحمەد هەتا بەرێ سبەهێ خوە ل هەڤ ئالاندبوون و د هەمبێزا هەڤ دا بوون، مەمو ژی نەدزانی ئەڤە دێ کەنگێ ژ خەوا گران هشیاربن، ژوان خوەست کو بلا بەس بیت، گۆلبهار ژی چوو کوچکێ ژوورا خوە، کویر کەتە د هزران دە دیسا و ژخوەرە دگوت ئەڤە ئەحمەد ئازاد ژی بە، دیتر نکارم وی ببینم، لێ خوەشییا شەڤا بۆری ژبیرنەکربوو، هەردگوت هەزار جار سپاس ژڤێ هەلاتنا تاڤێ تە، هەزار جار سپاس بۆ ئەڤی چیایێ بخێر و بەرەکەت، سپاس، ئیدی بەسە ئەڤ تشتەکێ کێم نەبوو، سپاسییەک بێ سنوور.
پشتی هینگێ ژمارەکا گەلک ژ بەگ و میران و کەسێن بەرنیاس بەرێ خوە دانا کوچکا شاهی و دەما چووینە نک پاشایی و گوتنێ ئەڤە هەسپێ تەژی زڤری و دێ زیندانییان ئازاد کەی، لێ پاشای گوت ئەڤ نە هەسپێ منە، ئێک ژوان بەگان گوتێ ئەزبەنی ئەم هەسپێ تە ناسدکن ئەڤ هەسپێ تەیە، پاشا هێرس بوو گوت ئەڤ نە هەسپێ منە، فەرمانێ دمە سەربڕان، کو ئەڤرۆ ل کولانێن باژێری بوقێ لێ بدەن کو سوبە دێ سەرێ وان هەرسێکان ژێڤەکم، بەگ و میران ژی دەست وان لسەر سینگێ وان ب خەم ژ کوچکا شاهی دەرکەتن، لکولانێن باژێر بۆق هات لێدان کو پاشا یێ سوبە سەرێ هەرسێکان ژێ بکە، حەسویێ ئاسنگەر ئەڤ یەک بهیست چوو بەر دەرێ کەلها پاشایی و ب عاجزیڤە و دەنگ بلند گوت ; پاشا ئەڤ هەسپ هەسپت تەیە و من ب دەستێن خوە زڤراندییە هەسپێ تە، لێ تو ڕاستی ژی نەبسەر ڤی هەسپی ڤەی، و هەسپ بەردا، هەسپ ژی ژباژێری دەرکەت و بەرێ خوە دا چیایی. گولبهار ژی پشتی بریارا بابێ خوە زانی، وەکە دینا لێ هات، شەڤ بازدا چوو با مەمویێ دەرگەڤانێ زیندانێ و ژ خوەست و لاڤاکر کو تشتەکێ بکە کو وان ئازاد بکە، بلا برەڤن، گوتە مەمو تو چ بخوازی ئەزێ بدم تە، بەس بهێلە بلا ئەو بچن، مەموی گوتیێ ئەز چ بخوازم تویێ بدی من، گوت بەلێ ئەزێ بدم، مەموو گوتیێ من چار تا ژ مویێن پۆرا تە دڤێن، گۆلبهارێ گوتیێ ژخوەرە ژێڤەکە، مەمو چار تا ژ پۆرا گۆلبهارێ ژێڤەکرن، کلیلێن زیندانێ ڕادەستی گۆلبهارێ کرم، گولبهار ژی ئەحمەد و سوفی و میسا ئازاد کرن.
سبێ زوو سەربڕ هاتن بەر دەرێ ژوورا مەمو، گوتنێ ئەم هاتنە زیندانیان ببن، مەمو گوتە وان من ئەو ئازاد بەردانە، هەرن ژ پاشا رە وەسا بێژن، دەما پاشا بهیستی رەنگێ وی گوهەری و هات ژ دەرڤە دیت مەمو ل هەمبەر وان راواستیایە و گوتە پاشا ئەری من تشتەک باش نەکر کو من ئەو ئازاد کرین، پاشا گوتیێ هەی بێ نان و خوێ، تە چەوا تشتەک هوسا کریە، ئەوێن دڤیان بچن مەمو بگرن مەمو ئەو ب شویرێ خوە کوشتن، مەمو چوو سەرا کەلهێ و گوتە پاشا هەتا سوبێ ئەز و تو شەر بکن لڤر یێ چ بگیژە مە، مەموو خوە ژ بلنداهییا کەلهێ ئاڤیت و مر. پاشا وەکە دینا لێ هات، نزانی بوو چەوا مەمو تشتەک وەها کریە، چما ئەو ئازاد بەردانە، مەمو وەکە کوڕەک من بوو، من بدەستێ خوە مەزن کریە، هەر پاشا تێنەگەهشت(فێم نەدکر).
یوسڤێ برایێ گولبهارێ ژی، ترسیا کو بابێ وی بزانە گۆلبهار لسەر بابەتێ ئەحمەد پێرە ئاخفتییە و بابێ وی یێ وی ژی بکوژە و چاڤێن وی دەرینە، یوسڤ وەکە دینا لێ هات ژبەر هزرێن خوە، گەلک دترسیا، ڕابو چوو کوچکا بابێ خوە و ژێرە هەموو ڕاستی گوتن، پاشا ژنوو وی ڕاستیێ زانی کو کا چما مەمو ئەو ئازاد بەردانە، زانی کو مەمو ژبو ڤیانا خوە بۆ گۆلبهارێ ئەڤ یەک کریە و خیانەت ل پاشا کریە، یوسڤ دیسا ژێرە گوت دبە گۆلبهار ژ کوچکێ برەڤە، پاشا بڤێ تشتا بهیستی دین و هار بوو، گوت ئەڤ یەک نەبەس بوو مەسەلا شەرف و نامووسێ ژی هات سەر، ئەزێ شەرمەزار بم کو ئەڤ یەکە خەلک و شاهێن دیێن ئوسمانیان ب بهیزن، دڤە ئەم گۆلبهارێ زیندان بکن د مالدە و هەتا دەمەک دیتر بکوژن، گۆلبهار زیندان کر د ژوورەک کوچکێ دە و دوو زێرەڤان دانین بەر دەرێ ژوور، ئەڤ یەک ل تەڤایا باژێر بەلاڤ بوو، هەتا گیشتییە گوهێن ئاگرییا و دەڤەرێن قەفقازێ و ئەرزەرۆمێ و ئیرانێ، چیرۆکا گۆلبهار و ئەحمەد بوو مامک و ستران و هەلبەست دناڤ خەلکێ دە، چیایی ڤێ یەکی زانین و گوتن چ ببە بلا ببە دڤێ ئەم تشتەکێ بکن، ڕابوون خەلک هەموو بەرەڤ کەلها مەحموود خان ڤە چوون و دەما پاشا ئەو هەموو خەلک دیتین دەڤی وی ئالزی و نکاری تشتەک ببێژە و خەلکەک کو نە سەرێ وێ دخانە نە بنێ وێ ژبەر گەلەک خەلەک کوم ببوون، هاتن بەر دەریێ کەلهێ و دەری شکاندن و گۆلبهار ژ ژوور دەرخستن و ئانین ڕەخ ئەحمەد، گولبهارێ ژبەرکو ژمێژە بوو ڕونییا رۆژێ نەدیتبوو زوو ندکاری چاڤێن خوە ڤەکە و بزانە چ چێدبە، گۆلبهار ب خوەرە برن و ژ کەلهێ دەرکەتن.
خەلک بەرەڤ مەزارێ ئەحمەدێ خانێ ڤە چوو، ل وێدەرێ سوفی و دەروێشان سەما و زکر دکرن و بلور لێددان، ئاگرەک مەزن ڤێخستبوون، ئەو خەلک ب هێمنی لدوور ئاگر ڕوینشتبوون.
مەحموود خان هەر دگوت: ئەز ترسنوکم، دڤیابا من ب شویری خوە شەر ل هەمبەر خەلکێ ڕاکربا و شەر ب وان رە کربا، هەر دگوت من ناڤێ شاهێن ئوسمانیا ڕەش کر، ئەگەر دەستهەلاتدارێن ئیستەنبۆلێ پێ بحەسن، یێ چ بکن، ئەز شەرمەزار بووم. ئەڤ هەسپ چ بوو بەلا سەرێ من، دبە ئەڤ یەک چارەنڤیسی من بە، ندکاری لهەمبەر وێ ژمارا گەلک یا خەلکێ لەشکەرێ خوە ژی لهەمبەر وان بکار بینە.
گۆلبهار بۆ مالا حەسویێ ئاسنگەر برن و ل وێدەری جلێن گەلەک جوان ژ پەرۆکێن لاهوری لبەر کرن، ل هەسپێ سیار کرن و برنە مالا پیرێ کال.
گۆلبهار و ئەحمەد ب هەڤرە زیارەت کرن و ملێ پیرێ کاروانی ماچ کرن، پیری ژی هەردوو ماچ کرن و پیرۆزباهیا وان کرن، هەر دیسا پیرێ کاروانی ژوان رە گوت; مەحموود خان وەکە کافران رەفتار دکە و ناهێلیت ئەڤ تشت بسانەهی دەرباز ببە، دڤێ هوین کارێن خوە بکن و هەرن کەلها خوشابێ و نک بەگێ کەلها خوشابێ، ئەزێ نوینەرێ خوە ئیبراهیمی بوەرە ڕێکم و بەگێ خوشابێ ئیبراهیمی ناس دکە. ڕابن هەرن دا بەگێ خوشابێ کار و ئاریشەیێن وە چارەسەر بکە، ئەو مریدێ منە.
داب و نەریتەک هەرکەڤنە دەما کورەک کەچەکێ برەڤینە و ببە مالا کەسەکێ، ئەو کەس چ جارا ڕرازی نەدبوو، ئەوان ڕادەستی خوەدیێ وان بکە هەتا خوەدیێ کەچکێ ڕازی کربان و نەختێ کەچکێ ددان و داوەت ژ وان رە دکرن، لسەر خاترا رەڤاندنا کەچکا گەکەک خوین دهاتن ڕژتن.
کەلها خوشابی، کەلهەکا گەلەک مەزن و جوانە و تازە بوو دکەڤە ڕۆژهەلاتا ناڤەراستا گوولا وانێ، لسەرێ گۆپیتکا بلنداهییەکێ هاتبوو ئاڤاکرن، گۆلبهار و ئەحمەد ژی لبەر دەریێ ژێری هاتنە خوار، دەما دەرگەڤانا ئیبراهیم دیتی، دەستێن وی ماچ کرن و برنە دژوورڤە هەتا چووینە نک بەگێ خوشابێ، ئیبراهینی مەسەلە هەموو ژ بەگیڤرە گوتن، بەگی گوت مەحموود خان چ ژ داب و نەریتان نزانت ئەوێ لەشکەر کوم بکە و هێرش بکە سەر کەلها مە، دڤێ هەر مال و مولکەکێ هەبیت ئەم بدنە مەحموود خان هەتا ڕازی بکن، گۆلبهار و ئەحمەد ژی ل هەڤ مەعر بکن، دێ فەرمانا پیرێ کاروانی ژی دانن سەرسەرێ خوە، دێ ڕحا خوە ژی دانن سەر.
بەگێ خوشاب گوت ئەز دێ مەلا محەمەدی ڕێکم دەڤ پاشایی ژبۆ ڕازیکرنێ مەلا محەمەد کەسەک زیرەک وئەزمان خوەشە، گازی مەلا محەمەدی کر و گوتیێ بێژە شاهی چ تشت بڤێت ئامادەمە هەتا خوە ئەگەر کەلها خوشاب ژی بڤێت، ئامادەمە ڕادەستی وی بکم، مەلا محەمەد ژی برێ کەت بۆ بایەزیدی بۆ نک پاشای، مەلا محەمەد پشتی بۆرینا پازدە رۆژان زڤری و بەگێ خوشاب گوتیێ بەرسڤا پاشایی چبی، مەلا محەمەد گوتیێ پاشا گەلەک ب خرابی رەفتار دگەل مە کرن و ئاخفتنێن کرێت گوتنە تە و پیری کاروانی، هەردیسا پاشا گوت دڤێ دماوێ پازدە رۆژێن دیتر دا ئەو هەردووکا ڕادەست بکەت، ئەگەر نا، ئەمێ ب هێزا لەشکەری وەرن بسەر کەلها خوشابێ دە بگرن، لێ بەگێ خوشابێ ڤێ چەندێ دلگران بوو، گوتە ئەحمەد ئەز وە چ جاران ڕادەست ناکەم خو هەگەر سەرێ خوە دبەردا بدم، و ئەز ئامادەمە خوینێ برژینم، دەمێ خەلکێ دەڤەرێ و کەلهێن دەڤەرێ ئەڤ یەک بهسیتی هەموو بوونە پشتەڤان ژبۆ بەگێ خوشابێ ژبەرکو ئەوی داب و نەریتێن ئەوان پاراستبوون.
گەلەک ژوان بوونە ناڤبەند کو دا خوین نەیتێ رژتن، دچوون نک مەحموود خان کو ڕازی بکەن لێ ڕازی نەدبوو، مەحموود خان ژی هەردچوو د هزر و بیرێن خوەدا دین دبوو، ندزانی چبکەت، و هزرا شکەستنێ ژی دکر لهەمبەر کەلها خوشابێ، ژبەرکو ئەڤە کەلها خوشابێ دروست بییە هەتا نهو کەسێ نکارییە سەربکەڤێ بسەر کەلها خوشابێ…
رۆژەکێ ئیسماعیلێ دەرگەڤانێ پاشای، گوت ئەزبەنه من پرسەک هەیە، پاشای گوتێ; بێژە ئیسماعیل تە چ هەیە. ئیسماعیل گوتیێ، ئەرێ مومکینە ئێک بکارە هەرە سەرێ گوپیتکا چیای ئاگری پاشا؟ پاشا گوتیێ نا مومکین نینە کەس بکارە، یێ هەولدایە بکارە هەرە بگەهە سەرێ چیایێ ئاگری، نەزڤرییە. هەردیسا پاشای گوت ئەو کەسێن هەول داین بچنە سەرێ چیای، ئاگری ئەو برینە و نەزڤراندینە.
ئیسماعیلی گوت ئەزبەنی من پێشنیارەکێ ژ جەنابێ تە بکەم؟
پاشایی گوتیێ بێژە ئیسماعیل.
ئیسماعیلی گوت هەر نوکە فەرمان بکە، ئەز بچم کەلها خوشابێ گۆلبهار و ئەحمەدی بزڤرینم ڤێرێ و بێژمە ئەحمەدی پاشایی گوتییە هەگەر بکارە هەرە سەرێ چیای ئاگری و زڤری، ئەزێ گۆلبهارێ بدمێ و داوەتا وان ژی لسەر من، ئەڤ یەکێ ببێ ئەگەرێ هندێ کو ئەم دەڤێ خەلکێ ژی بگرن و گازندێن وان ژی، پاشایی گوت، گازندە نامینن… باشە ئیسماعیل هزرەک باشە. و دگەل هنەک بەگا هەرە و بێژە ئەحمەدی و گۆلبهارێ بزڤرن و هەگەر ئەحمەد ڕازی نەبوو، بێژە بەگێ خوشابێ بلا کەچا من بزڤرینێ.
ئەحمەد بڤێ داخازیێ ڕازیبوو، بەگی خوشابێ گوت ئەڤ یەک مومکین نینە ئیسماعیل، پاشا بەرێ ئەحمەد ددە مرنێ، ئیسماعیل گوت نزانم، مانە وە خواستبوو ژ پاشا هەر تشتێ وی خواست هوین ڕازینە، ڤێجا بەگێ خوشابێ زانی چ چارە نینن دڤە ڕازیبە، ئەحمەد و گۆلبهار زڤرین بایەزیدێ و چوونە نک پاشا و ئەحمەد گوتە پاشا ئەگەر د مدەها سێ رۆژان دە من لسەرێ چیایێ ئاگرەک مەزن هەلنەکر ئەو ئەز مریمە، ئەحمەد ل هەسپێ خوە ساربوو بەرێ خوە دا چیایێ ئاگری، هێدئ هێدئ خەلکێ باژێر و گوندا ل بەردەرێ کوشکا پاشا ڕاوەستیان و پێشیا باژێر کوم بوون، هندی دچوو پتر دبوون ڕێژەیا خەلکێ، ئەڤ زۆربوونا ژمارا خەلکێ ژی پتر ترس دئێخستە دلێ پاشا و ئیسماعیل، چاڤێ خەلکێ هەموو ل گوپیتکا چیایێ ئاگری بوو، هەتا پاشا ژی خەو ب چاڤێن وی نەدکەت و هەر چاڤێن وی ژی ل گوپیتکا چیایی بوو، هەر ددیت خەلک یێ زێدەتر لێ دهێت، ئیسماعیلی گوتە پاشایی ئەگەر ئەحمەد ئاگر نەڤێخینە ل سەرێ چیایی، ئەڤ خەلک یێ هێرش بکن سەر مە و کەلهێ ژناڤ بن، پاشا ژی بڤێ یەکێ دزانی، پاشا بەرەڤ دیوارێ دەری چوو و ل ڤی رەخی و ل رەخی دی مێزە کر، هەر چاڤێن وی ژمارا گەلکا خەلکی ددیت و هەوار کر گوت بلا هن سوارچاک هەر زووی هەرن ئەحمەد بزڤرینن و ئەز ڕازیبووم کەچا خوە بدمێ و خەرجییا داوەتا وی ژی هەموو لسەر من، هن سوارچاکان بەرێ خوە دانە چیایی و برێ کەتن، حەسویێ ئاسنگەر ژی دناڤ خەلکێ دا دگوت، پاشایێ کافر داویێ ئیمان ئانی، ترسا وی لسەر زال بوو، نکار لهەمبەر خوەستەکێن مە براوەستە و ئەگەر ئەم خەلک ببن یەک چوجارا نە پاشا و نە چ کەسەک نکارێ هەمبەری مە براوەستە.
ژ نشکەکێڤە حەسووی ئاسنگەر کرە هاوار و گوت ئاگر لسەرێ چیایی هاتە ڤێخستن، وخەلک بکەیف کەت و ئارام بوون، پاشا و ئیسماعیل ژی ئارام بوون و ترسا ژ دلێ وان لسەر وان سفکتر بوو، رۆژا دووڤدا ئەحمەد ب جلێن پیسڤە و ب خوهدانێ ڤە ڤەگەریا با دکانا حەسووێ ئاسنگەر و دەست وی ماچ کر، گۆلبهار ژی ل وێدەرێ بوو، لێ ئەحمەد ل گولبهارێ مێزە نەدکر، گولبهارێ هەست ب تشتەکی دکر، لێ ندزانی کا ئەحمەدی خێرە و گوتە ئەحمەد ئەم هەرن، ئەحمەد گوت ئەم هەرن، بەرێ خوە نەدان خەلکێ ژی، دیسا ڕێ یا خوە دانە چیایی و چوون لهەمبەر گوولا و وێدەرێ روینشتن و ئەحمەد د دەستمالا خوەدا نان و پەنیر و کەسکاتی دەرخست و هەردووکان خوار، پاشێ نە ئەحمەد دپەیڤی و نە گۆلبهار، بڤێ چەندێ گۆلبهار زێدەتر تێکدچوو و دزانی هەر تشتەک هەیە، گۆلبهارێ گوتە ئەحمەدی تشتەکێ بێژە، چما تو بێ دەنگی، هەر چەندجارا پرس کر، لێ ئەم نە دئاخڤت، دیسا گۆلبهارێ ژێ پرسکر ئەحمەد تشتەکێ بێژە، ئەحمەد گوتیێ ئەز نزانم چما مەمویێ دەرگەڤان ژبو تە خوە دا کوشتن، تە چ هەبوو ب مەمو ڕە؟
گۆلبهار بڤێ تشتی زانی بوو، گوت مەمو، چ تشت ژمن نەخوەستبوو، لێ تو دزانی هەرکەسێ دەرگەڤانێ زیندانێ بە ئێدی پشتی وێ ئالیکاریا مەکری نکارێ ل چ دەرێن دی بژی، ژبەر هندێ ئەوی هەتا داویێ شەرکر و پاشێ خوە د کەلهێ دا ئاڤێت، لێ بڤێ بەرسڤێ ئەحمەد ڕازی نەبوو، گوت چما خوە دا کوشتن و ئالیکارییا مەکر، ما دبە ژبو زێر و پەران ئەڤ کار کربە گولبهار، گولبهارێ گوت نا، ئەحمەد گوت ما تە کوچک و سەرا دایێ؟ گولبهار گوتێ نا؟ ئەحمەد گوتیێ ما تە چ دایێ گولبهار؟ ما ئێک ژخوە جانێ خوە گۆری جانەک دن دکە؟
گولبهارێ گوتیی من چ تشتەک نەدایێ ئەحمەد، ئەوی چ تشت نەدڤیان؟
ئەحمەدی گوت بۆ رزگارکرنا من؟
گولبهارێ ئاخفتنا وی بری، گوت من گوتیێ ژبو رزگارتە من گوتیێ چ بڤە ئەز ئامادەمە بدمێ، لێ وی چ تشت نەدخواست.
ئەحەمەدی گوتیێ تە گوتیێ چ تشتەک تەبڤێت، بڤی ڕەنگی؟
گولبهاریێ گوت، بەلێ من وەسا گوت لێ تشتەک نەڤیا.
پاشێ بێ دەنگ مان، دیتر ئاگرێ لبەر وان دتەمری، دتتر گۆلبهار بهەر تشتی گەهشت، ئەحمەد خوە درێژکر و شویرێ خوە دانی دناڤبەرا خوە و گولبهارێ تە، گولبهار بڤێ یەکێ دلگران بوو، لێ تشتەک نەگوت، خەو ب چەعفێ وێ نەدکەت. لێ ئەحمەد نڤستبوو گولبهاری ژی هەر لێ مێزە دکر و پتر د ئەڤینا وی دە شەوتی و دحەلیا، دەمەک چوو گولبهار ژی نوقم بوو د خەوێ دە، دەست وێ ل شویر کەت، ئەحمەد هشیار بوو، چاڤێن خوە ڤەکرن، گولبهارێ ژی ئەحمەد دیت دبەر رونییا تیرۆژا تاڤێ رە ئەحمەد لسەر کەڤرکییە لبەر دەریێ شکەفتێ، گوت ئەحمەد نەچە، ئەحمەد وەرە نەچە، دەنگێ گۆلبهارێ ل سەرانسەری چیای ڤەددا و ڕەنینا بەفرێ چێیدبوو بەفر د ژووردا ژ چیا و نهالا دهات خار، لێ هندی خوە نێزیکی ئەحمەد کربا ئەحمەدژێ دویر دکەت دچوو، ڕاوەستیابا ئەحمەد ژی رادوەستییا، ئەگەر چووبا ئەوژی دچوو، هەتا گیشتییە بەر دەرێ گوولا کوپێ، گۆلبهار ئەحمەد د گوولا کوپێ دە ووندا کر.
دەستێن خوە دانی سەر دێمێ خوە و لسەر عەردێ سفری روینشت و ل ئاڤێ مێزە کر.
ژ وێ رۆژێ پێڤە هەر کەسێ د وێرێ را دەرباز ببا، گۆلبهار ل وێدەرێ ددیت کو پرچا وێ ڤەهاندی و ڕوینشتی و هەردوو دەستێن وێ لبەر لامێن وێنە و ل ئاڤا گوولێ دنێرە.
جار جار ئەحمەد د ئاڤێ رە دبینە و گازی دکەت ئەحمەد ئەحمەد. و دەنگێ وێ ل چیایی ڤەدژەنیت.
و دبێژت ئەحمەد ئەگەر توژی ل جیێ من بای، تەژی هەمان کار بکرایە، ئێدی بەسە.بزڤرە ئەحمەد جان، بزڤرە ئەحمەد جان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *