ل ڕۆژا پێنجشه‌مبێ ڕێكه‌ڤتى (14/11/2019) لده‌مژمێر (10:00) سپێدێ، ب ئاماده‌بووونا ڕێزدار پرۆفیسۆرێ هاریكار دكتۆر (له‌زگین عه‌بدى جه‌میل) سه‌رۆكێ زانكۆیا زاخۆ و به‌رێز پرۆفیسۆرێ هاریكار دكتۆر (یاسین تاها مسته‌فا) هاریكارێ سه‌رۆكێ زانكۆیێ بۆ كاروبارێن زانستى و خواندنا بلند و به‌رێز پرۆفیسۆرێ هاریكار دكتۆر (كاروان فه‌همى سامى) هاریكارێ سه‌رۆكێ زانكۆیێ بۆ كاروبارێن قوتابییان و به‌رێز دكتۆر (نه‌وفه‌ل ڕه‌شید حسێن) ڕاگرێ كۆلیژا پزیشكى و ماموستا (دلین ئه‌دیب میرۆ) ڕێڤه‌به‌را سه‌نته‌رێ گه‌شه‌پێدانا كارى و به‌رێز دكتۆر (قه‌ره‌نى) ڕێڤه‌به‌رێ ساخله‌مییا زاخۆ و ماموستا و قوتابییێن زانكۆیێ و سازییێن ڕاگه‌هاندنێ، كۆلیژا پزیشكى ب هه‌ماهه‌نگى و هه‌ڤكارى دگه‌ل سه‌نته‌رێ گه‌شه‌پێدانا كارى و نه‌خۆشخانه‌یا زاخۆ یا گشتى دیبه‌یت و چالاكییه‌كا تایبه‌ت ب هه‌لكه‌ڤتا ڕۆژا جیهانییا (نه‌خۆشییا شه‌كرێ) گێران.
لده‌ستپێكێ چه‌ندین په‌یڤ ژ لایێ ڕێكخه‌ر و ئاماده‌كارێن دیبه‌یتێ هاتنه‌ پێشكێشكرن، ڕێزداران د په‌یڤێن خۆ دا باس ل نه‌خۆشییا شه‌كرێ و ئه‌گه‌رێن په‌یدابوون و چاره‌سه‌ركرنێ ب شێوه‌یه‌كێ زانستییانه‌ كرن. هه‌روه‌ها ب تێر و ته‌سه‌لى باسێ پلان و چاوانییا ڕێگریكرن ل به‌لاڤبوون و زێده‌بوونا ئه‌ڤێ نه‌خۆشییێ هاته‌كرن، د ئالییه‌كێ دیتر دا ئاماژه‌ ب هۆكارێن سه‌ره‌كى یێن په‌یدابوونا ئه‌ڤێ جۆره‌ نه‌خۆشییێ و چاوانییا خۆ پاراستنیێ هاته‌كرن.

 

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *