ل ڕۆژا سێشه‌مبێ ڕێكه‌ڤتى (12/11/2019) ب ئاماده‌بوونا ڕێزدار دكتۆر (كاروان فه‌همى سامى) هاریكارێ سه‌رۆكێ زانكۆیا زاخۆ بۆ كاروبارێن قوتابییان و به‌رێز دكتۆر (ڕه‌نج محه‌مه‌د نورى) ڕاگرێ كۆلیژا كارگێرى و ئابوورى و ڕێكخراوا (قه‌ندیل) یا سه‌ر ب نه‌ته‌وه‌یێن ئێكگرتیڤه‌ ڕابوون ب به‌لاڤه‌كرنا چه‌ندین كه‌ره‌سته‌ و پێدڤییێن ژیانا ڕۆژانه‌ ب سه‌ر قوتابییێن كێم ده‌رامه‌ت یێن زانكۆیا زاخۆ.

د ئه‌ڤێ چالاكییێدا چه‌ندین قوتابییێن زانكۆيێ یێن بارێ ژیانا وان یا كۆمه‌لایه‌تى نه‌باش هاریكارییێن تایبه‌ت ژ ڕێكخراوا ناڤهاتى وه‌رگرتن و ب ئه‌ڤێ چه‌ندێ خۆشحال و به‌خته‌وه‌ربوون. فه‌ره‌ بێژین، كو ڕێكخراوا قه‌ندیل یا سه‌ر ب نه‌ته‌وه‌یێن ئێكگرتیڤه‌ ب شێوه‌یه‌كێ تایبه‌ت د بوارێ ئاواره‌ و په‌نابه‌راندا ل سینورێ هه‌رێما كوردستانێ كاردكه‌ت، هه‌روه‌سا هاریكاریێن تایبه‌ ب تاكه‌كه‌س و مالباتێن كێم ده‌رامه‌ت دده‌ت.

لدوماهییێ فه‌ره‌بێژین، كو سوباهى دانێ سپیدێ ڕێكخراوا (قه‌ندیل) ل كۆلیژا كارگێرى و ئابوورى دێ سمیناره‌ك تایبه‌ت لدور كار و چالاكییێن خۆ ل هه‌رێما كوردستانێ یێن د ماوه‌یێ ڕابوریدا ئه‌نجامداین ل هۆلا كۆلیژێ پێشكێش كه‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *