ل ڕۆژا سێشه‌مبێ ڕێكه‌ڤتى (5/11/2019) شانده‌كێ ژ زانكۆیا زاخۆ ژ به‌رێزان دكتۆر (زاهد سامى محه‌مه‌د) سه‌رۆكێ پشكا ده‌روونناسییا گشتى، ماموستا (ئیڤان حه‌سه‌ن مراد) ڕێڤه‌به‌رێ سه‌نته‌رێ ڕاهێنان و پێشخستنێ، دكتۆر (هاریوان زكرى) سه‌رۆكێ پشكا ماتماتیكێ، ماموستا (خورشید محه‌مه‌د) بریارده‌رێ پشكا زمانێ ئینگلیزیێ، ماموستا (كاژین حسێن) ماموستا ل پشكا ده‌روونناسیێ  و ماموستا (ڤه‌مان ئه‌حمه‌د) بریارده‌را پشكا ده‌روونناسیێ پێكدهاتن، ووركشۆپه‌ك تایبه‌ت ژ بۆ ڕێڤه‌به‌ریا په‌روه‌ردێ ل باژێرێ زاخۆ لدور بابه‌تێ (چاوانییا سه‌ره‌ده‌ریكرنێ دگه‌ل كه‌سێن خودان پێدڤیێن تایبه‌ت) بۆ ماموستایێن د بوارێ په‌روه‌رده‌یێدا ب تایبه‌تى ئه‌وێن سه‌ره‌ده‌ریێ دگه‌ل كه‌سانێن خودان پێدڤیێن تایبه‌ت دكه‌ن ب ئاوایه‌كێ هه‌ره‌باش پێشكێشكرن.

فه‌ره‌ بهێته‌ گۆتن، كو ئه‌ڤه‌ بۆ جارا ئێكێ بوو هه‌ماهه‌نگییه‌كا وه‌ها ڕێكخستى دناڤبه‌را زانكۆیا زاخۆ و ڕێڤه‌به‌ریا په‌روه‌رده‌یێدا بهێته‌كرن، ژبه‌ركو هژماره‌یه‌كا به‌رچاڤ ژ ماموستا و ڕێڤه‌به‌رێن باخچه‌یێن زارۆكان و ماموستایێن قوناغا سه‌ره‌تایى تێدا پشكداربوون.

لدووماهییێ ماموستا (هابیل عه‌بدولهادى) سه‌رپه‌رشتێ كه‌سانێن خودان پێدڤیێن تایبه‌ت، ڕێز و سوپاسى ئاراسته‌یى شاندێ ماموستایێن زانكۆیا زاخۆ كرن و ژ وان خواست ب به‌رده‌وامى هه‌ماهه‌نگییا وه‌ها دناڤبه‌را واندا ب مه‌به‌ستا سازكرنا كار و چالاكییان هه‌بیت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *