په‌یڤدارێ پۆلیسێن سلێمانیێ د داخۆیانییه‌كێدا ڕاگه‌هاند: محه‌مه‌د عومه‌ر عوسمان هه‌لبه‌ستڤانێ ناڤدارێ كورد د مالا خۆ دا ل باژێرێ سلێمانیێ دوماهى ب ژیانا خۆ هینایه‌.

محه‌مه‌د عومه‌ر عوسمان ل سالا 1957 ل تاخێ (دەرگەزێنی) ل باژێرێ سلێمانیێ ژ دایكبوویه‌، خواندنا سه‌ره‌تایى، ناڤنجى و ئاماده‌یى ل هه‌مان باژێر بدوماهیك هینایه‌. د قوناغا گه‌نجاتییا ته‌مه‌نێ خۆ دا ده‌ست ب خواندنێ كرییه‌ و ل سالا 1975 ده‌ست ب نڤێسینا هه‌لبه‌ستان كرییه‌، ژبه‌ركو هه‌لبه‌ستێن وى تایبه‌ت بوون ب وه‌رزێ پاییزێ ب ژه‌نرالێ پاییزێ دهاته‌ بناڤكرن.
ژه‌نرالێ پاییزێ ته‌ڤایا به‌رهه‌مێن خۆ د دیوانه‌كێدا لژێر ناڤونیشانێ (له‌ غوربه‌تا) به‌لاڤه‌كرینه‌.
په‌یڤدارێ پۆلیسان لدور بۆیه‌رێ گۆت: ئێڤاریا ڕۆژا سێشه‌مبێ ڕێكه‌ڤتى (22/10/2019) محه‌مه‌د عومه‌ر عوسمان ب ته‌له‌فونێ دگه‌ل برایێ خۆ ئاخڤتییه‌ و گۆتییه‌ (ئه‌ز گه‌له‌ك بێتاقه‌تم)، ژبه‌ر ئه‌ڤێ چه‌ندێ برایێ وى ب مه‌به‌ستا سه‌ره‌دانێ چوویه‌ مالا وى، به‌لێ ب مخابنیڤه‌ ژه‌نرالێ پاییزێ ب وایره‌كێ هه‌لاویستیڤه‌ دبینت و پشتى ئه‌ڤێ یه‌كێ دگه‌هینن نه‌خۆشخانه‌یێ و ل ئه‌وێ ده‌رێ گیانێ خۆ ژ ده‌ستدده‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *