وه‌زیرێ خواندنا بلند و ڤه‌كۆلینێن زانستى د پێنجه‌مین خۆلا ده‌رچوویێن زانكۆیا گه‌رمیاندا ڕاگه‌هاند: د ماوه‌یێ (100) ڕۆژێن ڕابۆریدا مه‌ شیایه‌ چه‌ندین پێنگاڤێن گرنگ د ئالیێ ڕیفۆرم و چاكسازیا ڕاسته‌قینه‌ د بوارێ خواندنا بلند دا بهاڤێژن و شوین ده‌وسێن گاڤێن مه‌ دیارن. هه‌روه‌سا مه‌ كار ژبۆ ڕه‌خساندن و لبه‌رده‌ستكرنا ده‌رفه‌تێن خواندنێ بۆ گه‌نجێن وه‌لاتى و چه‌سپاندنا بنه‌مایێن یه‌كسانیێ و كێمكرنا كرێیا خواندنێ ل زانكۆیان كرییه‌.

ئه‌ڤ ڕاگه‌هاندنه‌ به‌رێز دكتۆر (ئارام محه‌مه‌د قادر) وه‌زیرێ خواندنا بلند و ڤه‌كۆلینێن زانستى د چوارچووڤه‌یێ گۆتاره‌كێدا ل ڕۆژا ئێكشه‌مبێ ڕێكه‌ڤتى (20/10/2019) ل باژێرێ (كه‌لار) د خۆلا پێنجێ یا ده‌رچوویێن زانكۆیا گه‌رمیاندا پێشكێشكر و تێدا (١٣٧٩) قوتابییان ژ (29) پشكێن جودا باوه‌رنامه‌یا به‌كالۆریۆسێ وه‌رگرتن.

ژلایه‌كێ دیتر جه‌نابێ وه‌زیرى گۆت: د ئه‌نجامێ تۆماركرنا سكالایاندا ناڤێن (1579) قوتابیێن دیتر ل زانكۆ و په‌یمانگه‌هان هاتن و ب ئه‌ڤێ چه‌ندێ پلانا وه‌رگرتنا قوتابییان ب ته‌مامى جێبجێ بوو.

دكتۆر (ئارام محه‌مه‌د قادر) ده‌رباره‌یى مه‌رج و ڕێنمایێن خواندنا بلند گۆت: د ئه‌نجوومه‌نێ وه‌زاره‌تێدا مه‌ شیایه‌ ڕێنمایێن خواندنا بلند (ماسته‌ر و دكتۆرایێ) هه‌موار بكه‌ین و ده‌رفه‌تێن باش بۆ ده‌رچوویێن زانكۆیێن مه‌ بره‌خسینن، لڤێرێ ئه‌ز دشێم مزگینیێ ب هه‌وه‌یێن به‌رێز كو د چه‌ند ڕۆژێن داهاتیدا دێ ڕێنمایێن خواندنا بلند هێنه‌ ڕاگه‌هاندن و پاشان دێ ده‌رگه‌هێ پێشكێشكرنێ هێته‌ ڤه‌كرن.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *