Skip to content
هەر ژ ڕۆژا سێشه‌مبێ ڕێكه‌ڤتى (٢٢/٩/٢٠١٩) تاکو ڕۆژا پێنجشەمبێ ڕێکەڤتی (٢٦/٩/٢٠١٩) سه‌نته‌رێ ته‌كنۆلۆژیا زانیارى و ئامارێ ICT دگەل سەنتەرێ ڕاهێنان و پێشخستنێ، ووركشۆپه‌ك ده‌رباره‌ى سیسته‌مێ E-Learning (Moodle) ل هۆلا (سەنتەرێ ڕاهێنان و پێشخستن) سازكرن.
هه‌ژییه بێژین، كو ئەڤ ووركشۆپە لژێر چاڤدێریا ڕێزدار دكتۆر (كاروان فه‌همى سامى) هاریكارێ سه‌رۆكێ زانكۆیێ بۆ كاروبارێن قوتابییان و برێڤەبرنا هەردوو بەرێزان هاریكارێ سه‌رۆكێ زانكۆیێ و ماموستا (یوسف کربیت ارشاک) ستافێ پشكا زانستێن كۆمپیۆته‌رى و ئه‌ندام ل سه‌نته‌رێ ته‌كنۆلۆژیا زانیارى و ئامارێ ICT ل کۆلیژا کارگێری و ئابووری هاته پێشكێشكرن.
د ووركشۆپیدا مامۆستایێن ناڤبرى ته‌ڤایا ئالییێن (سیسته‌مێ مودل) و چاوانییا سه‌ره‌ده‌ریكرن دگەل سیستەمى، بۆ نموونه ماموستا دێ چاوان وانه‌یان لسه‌ر كورسى ئه‌پلۆد كه‌ت دا كو قوتابی برێکا ئونلاین وانه‌یێن خۆ ببینیت و چاوانییا چێکرنا ئەرکێن مال بۆ قوتابییان و چاوانییا هەلسەنگاندنا ئەرکێن قوتابییان و هەمی ئەو تشتێن كو پێدڤییه ماموستا بزانیت، هەر دیسان ئەڤە ژی هەر برێکا ئونلاین یێ (سیستەمێ مودل) بۆ مامۆستایان هاته شرۆڤه‌كرن.
هەژیە بێژین، کو (٣٣) ماموستایێن زانکۆیا زاخۆ ژ کۆلیژا کارگێری و ئابووری بەشداری ئه‌ڤى وورکشۆپی بوون و ب ئه‌ڤێ چه‌ندێ ئاماده‌بوویێن ووركشۆپى خۆشحالیا خۆ ب ئه‌ڤى كارێ زانستى ده‌ربرین، ژبەرکو سیستەمێ مودل ئەرکێ ماموستایان ب ساناهی و ڕێکوپێک دکەت. لدوماهیێ ئاماده‌بوویان داخوازا سه‌ركه‌ڤتنێ بۆ مامۆستایێن و سه‌نته‌رێ ته‌كنۆلۆژیا زانیارى و ئامارێ ICT و سەنتەرێ ڕاهێنان و پێشخستنێ خوازتن.
Post Views:
0