ل ڕۆژا سێشهمبێ ڕێكهڤتى (15/10/2019) ب ئامادهبوونا ڕێزدار پرۆفیسۆرێ هاریكار دكتۆر (ماهر خالد عهلى) ڕاگرێ فهكۆلتیا زانست و بهرێز دكتۆر (كهنعان رهمهزان) سهرۆكێ پشكا كیمیایێ و بهرێز ماموستا (عومهر محهمهد مستهفا) ڕێڤهبهرێ پهرتووكخانهیا فهكۆلتیێ، ڕێورهسمێن بدووماهیك هینانا پێشبیركییا بهریكانهیا زانستى ئهوا دناڤبهرا قوتابیێن كۆلیژ و فهكۆلتیێن زانكۆیێدا هاتییه سازكرین ب باشترین شێوه هاتنه گێران.
جهێ ئاماژهپێدانێیه، كو پشتى ههڤركییهكا زانستى و تێر زانیارى دناڤبهرا قوتابیێن فهكۆلتیا پهروهردێ و قوتابیێن كۆلیژا ئهندازیاریدا هاتییهكرن، د ئهنجامدا قوتابیێن كۆلیژا ئهندازیارى شیان پلهیا ئێكێ بدهستڤهبهینن و سهركهڤتنێ تۆماربكهن.
لدوماهییێ فهره بهێته گۆتن، كو بهركانهیا زانستى ب ههڤكارى و ههماههنگى دناڤبهرا ڕێڤهبهریێن پهرتووكخانهیێن زانكۆیێ و گرۆپێ خهتیر یێ قوتابییان هاتبوو سازكرن، ههروهسا بریاره ئهڤ بهریكانه بۆ سالا نوییا خواندنێ و دگهل دهستپێكرنا دهواما فهرمى یا قوتابیێن قوناغا ئێكێ جارهك دیتر دهستپێبكهت.