سه‌نته‌رێ ته‌كنۆلۆژیا زانیارى و ئامارێ ب خۆشحالیڤه‌ ڕادگه‌هینیت، كو ئه‌ڤه‌ بۆ ماوه‌یێ سێ سالانه‌ تۆماركرنا قوتابیێن نوى دهێنه‌ وه‌رگرتن ل زانكۆیا زاخۆ ب باشتیرن و مودرێنترین سیسته‌مه‌، ئه‌و ژى (سیسته‌مێ تۆماركرنێ یێ ئه‌لیكترۆنى) یه‌. سیسته‌مێ تۆماركرنێ بۆ سالا خواندنێ (2017ـ2018) ل زانكۆیا زاخۆ هاتییه‌ بكارهینان و برێكا ئه‌ڤى سیسته‌مى قوتابى ب شێوه‌یه‌كێ ئه‌لیكترۆنى دهێته‌ تۆماركرن و ته‌ڤایا زانیاریێن كه‌سایه‌تى یێن قوتابى ب باشترین شێوه‌ جهێ خۆ د سیسته‌میدا دكه‌ن و دهێنه‌ پاراستن، ب ئه‌ڤى ڕه‌نگى قوتابى ژ كارێ ڕۆتین و ماندیبوونێ دویر دكه‌ڤت و د ماوه‌یه‌كێ كورتدا هه‌مى كاروبارێن تۆماركرنێ ب دووماهیك دهینت.

جهێ ئاماژه‌پێدانێیه‌، كو سیسته‌مێ تۆماركرنێ ژلایێ لیژنه‌یه‌كا تایبه‌ت كو ژ چه‌ندین ماموستا و كه‌سایه‌تیێن پسپۆر پێكدهێت و ب چاڤدێریا ڕێزدار دكتۆر (كاروان فه‌همى سامى) هاریكارێ سه‌رۆكێ زانكۆیێ بۆ كاروبارێن قوتابییان كارێن خۆ ئه‌نجام دده‌ن.

لیژنه‌یا تایبه‌ت یا سیسته‌مێ تۆماركرنێ پارسال و ئه‌ڤ ساله‌ چه‌ندین خۆلێن تایبه‌ت ژ بۆ فه‌رمانبه‌رێن تۆمارێن كۆلیژ و فه‌كۆلتیان ڕێكخستن و د ئه‌وان خولاندا چاوانییا كاركرن لسه‌ر سیسته‌مى و ڕێكێن گونجایى ژبۆ تۆماركرنێ شرۆڤه‌كرن و ب ئه‌ڤى ڕه‌نگى كار و پرۆسه‌یا تۆماركرنا قوتابییان ل زانكۆیا زاخۆ ب باشترین شێوه‌ برێڤه‌دچیت.

لدوماهییێ فه‌ره‌ بهێته‌ گۆتن، كو د ده‌مێ پرۆسێسا تۆماركرنا قوتابییاندا ئێكسه‌ر ئیمێله‌ك تایبه‌ت بۆ قوتابى دهێته‌ دروستكرن و ئه‌و ئیمێل دبت ئیمێلێ فه‌رمیێ قوتابى، هه‌روه‌سا د ده‌مێ خواندنا چوار سالێن زانكۆیێدا ئه‌و ئیمێل ژلایێ قوتابى بۆ كارێن خواندنێ هێته‌ بكارهینان و هه‌مى ئه‌ركێن خۆ پێ ئه‌نجام ده‌ت.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *