هزرمەند و فیلۆسۆفا مرۆڤاتیێ “هانا ئارێندت/1906   ـــ 1975″، ئەم گەلێ کورد ژانێن تەیێن دوهی ب خەمێن خوەیێن “دوهی، ئیرۆ و سوبە” باش فام دکەین. دەما هێتلەرێ دوهی فەرمان ل سەر سەرێ خەلکێ تە “یەهودی” راکری، ئیرۆ ژی هێتلەرێ سەدێ بیست و یەکێ/ ئەردۆگان، فەرمان ل سەر سەرێ گەلێ مە کوردان راکریە. فیلۆسۆفا مە، ئەو رەوشا کۆمکۆژیا یوهودیێن تە پەسنکری، ئەم کورد باش فام دکەین: “گۆتنێن مرۆڤێ هاڤی ل سەر جیهانێ”، “رەڤین ژ ئاخێ”، “ڤەکێشان ژ کەسێ ب کریار و ئاشکرایی”، “بێدەنگی د خویاتیا مرۆڤیا مت دا”، “قوربانیا درەوێن رێکخستی و ئیدیۆلۆگی”، “وێرانکرن و دوورکەتن ژ ژیانا هەڤبەش” و “هۆڤێتی مرۆڤێن خوەیی جهوار، ژ هەڤوەلاتیان ڤالا دکەت”.

خانما جیهانی ژ بیر نەکە، گەلێ ئەرمەن پشتی کۆمکۆژیا تورکان ــ ئۆسمانیان/ 1915 دژی وان کری، ئەو بوونە دەولەت و هەروها ئەو کۆمکۆژیا هێتلەر/ 1945 دژی یەهودیان کری، پاش هوون ژی بوونە دەولەت، بەلێ گەلێ کورد ژ ئالێ داگیرکەرێن “ئەرەب، فارس و تورکان” ڤە راستی گەلەک کۆمکۆژیان هات، بەلێ دیسان ئەم نەبووینە دەولەت! ئێدی ئەم باش دزانین، ئیرۆ ژی گەلێن ڤێ دەڤەرێ د گرفتێن مرۆڤبوونێ دا دژین!

خانما “هانا” تو دبینی کەس د هانا گەلێ مە ناهێت، بنێرە درەوێن “ئۆلان، ناسیۆنالیستان، سیکولاریستان، مافپەروەریستان و…”، تەڤ ئیرۆ ل بەر رۆنیا رۆژێ، ژ واتەیا خوە رووت بوون. لەورا ئێدی هێزا گەلێ مە، د مۆرال و باوریا بەرخوەدەرێن مە دایە.

محسن ئۆسمان

بەرلین، 2019.10.11

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *