Skip to content
سه‌نته‌رێ ته‌كنۆلۆژیا زانیارى و ئامارێ ب خۆشحالیڤه مزگینییه‌كێ ب قوتابیێن ده‌رچوویێن زانكۆیا زاخۆ یێن سالێن ده‌ربازبوویى ب تایبه‌تى ئه‌و قوتابیێن ئیمێلێن زانكۆیێ stud.uoz.edu.krd@ هه‌ین، دده‌ت. كو د ده‌مێ نوكه دا سیسته‌مێ ده‌رچوویان ((alumni.uoz.edu.krd)) لبه‌رده‌سته و قوتابى دشێن سه‌ره‌دانا سیسته‌مى بكه‌ن و زانیاریێن خۆ ب شێوه‌یه‌كێ فه‌رمى تۆمار بكه‌ن و ل ده‌رفه‌تێن كارى ل چه‌ندین جهێن جوداجودا یێن كه‌رتێن (تایبه‌ت و حكومى) بگه‌رن.
هه‌روه‌سا قوتابى دشێت دناڤ سیسته‌میدا هه‌ر زانیارییه‌كا بڤێت ب شێوه‌یه‌كێ فه‌رمى تۆمار بكه‌ن، بۆ نموونه: ناڤێ خۆ یێ سێقۆلى، سالا ده‌رچوونێ، ڕێكه‌ڤتییا ژ دایكبوونێ، جهێ ئاكنجیبوونێ و وێنه‌یێ تایبه‌ت یێ پرۆفایلێ خۆ، زێده‌بارى ئه‌ڤێ چه‌ندێ قوتابیێن ده‌رچوویى دشێت په‌یوه‌ندیێ دگه‌ل هه‌ڤالێن خۆ یێن ده‌رچوویى گرێبده‌ت و ب هه‌ڤرا دانوستاندنێ بكه‌ن، وه‌ك ئه‌كوانته‌كێ سوشیال میدیایى.
لدووماهییێ فه‌ره بێژین، كو هه‌ر قوتابییه‌كێ ئاریشه‌یه‌ك د ئه‌كوانیتێ خۆ دا هه‌بیت، دشێت نامه‌یه‌ك تایبه‌ت بۆ ئیمێلێ دیاركرى alumni@uoz.edu.krd فرێبكه‌ت، ژبه‌ركو ب زویترین ده‌م دێ ئاریشه‌یا وى ژلایێ ستافێ سه‌نته‌رێ ته‌كنۆلۆژیا و زانیاریێ هێته چاره‌سه‌ركرن و ئه‌كوانتێ وى دێ كه‌ڤيته كارى.
Post Views:
0