وه‌زیرێ خواندنا بلند و ڤه‌كۆلینێن زانستى بۆ یه‌كه‌مێن زانكۆ و په‌یمانگه‌هان ڕاگه‌هاند: ئه‌ز خۆ ب بالیوزێ داخوازیێن هه‌وه‌ یێن به‌رێز دزانم و هه‌ر ژ ده‌ستپێكا كاركرنا من بابه‌تێ دامه‌زراندنا هه‌وه‌ ئێك ژ گرنگترین مژارێن كارێن من بوویه‌، هه‌روه‌سا هه‌وه‌ یێن به‌رێز پشتراست دكم كو دێ ب به‌رده‌وامى لسه‌ر بابه‌تێ دامه‌زراندنا هه‌وه‌ كاركه‌م.

ئه‌ڤ ڕاگه‌هاندنه‌ به‌رێز دكتۆر (ئارام محه‌مه‌د قادر) وه‌زیرێ خواندنا بلند و ڤه‌كۆلینێن زانستى د چوارچووڤه‌یێ پێشه‌وازیكرنا سێ یه‌كه‌مێن زانكۆ و په‌مانگه‌هێن هه‌رێما كوردستانێدا ل ڕۆژا سێشه‌مبێ ڕێكه‌ڤتى (24/9/2019) ل دیوانا وه‌زاره‌تا خواندنا بلند هاته‌ گۆتن.
هه‌روه‌سا وه‌زیرێ خواندنا بلند زێده‌تر گۆت: مه‌ وه‌ك وه‌زاره‌تا خواندنا بلند هه‌ر ژ ده‌ستپێكا كاركرنێ ب نڤێساره‌ك فه‌رمى داخوازا دامه‌زراندنا هه‌وه‌ كرییه‌، ژبه‌ركو زانكۆیان پێدڤى ب شیان و تێگه‌هشتنا هه‌وه‌ بۆ برێڤه‌برنا كار و بارێن زانستى و كارگیریى هه‌یه‌.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *