وه‌زیرێ خواندنا بلند و ڤه‌كۆلینێن زانستى ڕاگه‌هاند بۆ بلندكرنا ئاستێ سه‌نته‌رێن زمانى ل زانكۆیێن هه‌رێما كوردستانێ پشته‌ڤان و هاریكارێن سه‌نته‌رانه‌، هه‌روه‌سا دێ كارى ژ بۆ وه‌رگرتنا باوه‌ریا نێڤده‌وله‌تى بۆ سه‌نته‌رێن زمانى كه‌ن.

د ئه‌ڤى چوارچووڤه‌ییدا و لبه‌ر ڕۆناهییا لیژنه‌یا تایبه‌ت یا پێداچوونێ ب مه‌رج و ڕێنمایێن زمانێ ئینگلیزیێ و ڕێكخستنا كار و چالاكییێن سه‌نته‌رێن زمانى، پشتى فه‌رمانا وه‌زارى یا ژماره‌ (١٤٧٠) ل (١٥/٩/٢٠١٩)، ل ڕۆژا ئێكشه‌مبێ ڕێكه‌ڤتى (٢٢/٩/٢٠١٩) ب ئاماده‌بوونا ڕێزدار دكتۆر (ئارام محه‌مه‌د قادر) وه‌زیرێ خواندنا بلند و ڤه‌كۆلینێن زانستى و به‌رێز دكتۆر (محه‌مه‌د حسێن) سه‌رۆكێ ده‌زگه‌هێ سه‌رپه‌رشتى و دلنیا جۆرى و سه‌رۆكێ لیژنه‌یا تایبه‌ت یا پێداچوونێ ب مه‌رج و ڕێنمایێن زمانێ ئینگلیزیێ و ڕێكخستنا كار و چالاكیێن سه‌نته‌رێن زمانى و هه‌مى ئه‌ندامێن كارى كۆمبوونا دوویه‌مین یا لیژنه‌یا تایبه‌ت ل وه‌زاره‌تا خواندنا بلند هاته‌ ئه‌نجامدان.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *