هەڤپەیڤین: جەگەر کەمال رێکـانـی
پەرتووکا ئەندازییارێ ئەنفالکری ( مرادخان جانگیر رێکانی )بەرپەرەک ژ ئەنفالا بەهدینان ،کو ئێکەم پەرتووکە کۆ ب ڤی شێوەی ل سەر کەسایەتییەکێ ئەنفالکری دهێتە چاپکرن ، هەژی گۆتنێ یە کۆ ئەڤ پەرتووکە ژ لایێ کۆرێ ئەندازییارێ ئەنفالکری بخۆڤە هاتیە بەرهەڤکرن ، لەورا مە ب فەرزانی دیدارەکێ دگەل ( هشیار مرادخان جانگیر سیتەی ـ رێکانی ) کۆ بەرهەڤکەرێ پەرتووکا ناڤهاتی یە بکەین .
نڤێسەر هشیار مرادخان دا دیارکرن کا چەوا هزرا ڤێ پەرتووکێ ل دەڤ وی پەیدابوو و سەبارەت گۆت : ئەز دشێم ب چەند ئەگەرەکا رون بکەم هزرا دروستکرنا ڤێ پەرتووکێ :
١ـ هەر رۆژنامەڤانەک و نڤێسەرەک و راگەهاندکارەکێ بابەتەک لسەر گوندێ سیتە دروستکربا رۆلێ ئەندازییاری پشت گوهــ دهاڤێت .
٢ـ ژ لایێ دامودەزگەهێن حکومی و حیزبی ژی ڤە گەلەک داخازا ژیانناما ئەندازیاری ژ مە دهاتە کر . ٣ـ هەروەسا مە گەلەک هەڤالێن ئەندازیاری نەدنیاسین و بەلگە و نامە و باوەرنامە یێن ئەندازییاری ل دەڤ مە نەبوون هەتا وێنە ژی مە نەبوون بتنێ مە ئەو وێنێ وی ئەوێ ب ناسناما عیراقی ڤەهەبوو مە وێنە لبەر دگرتن و بکاردئینان . ناڤهاتی ل بەردەوامیا ئاخڤتنا خۆدا دبێژیت : ژبەر ڤان ئەگەرا من بریار دا پەرتوکەکێ لسەر بابێ خو دروست بکەم ، بەلێ من نەدزانی چەوا پەرتووکا دروست دکەن و لکیرێ دەست پێبکەم ،ئەو بوو سەیدایێ هێرش کەمال رێکانی پەرتووکا (( گازیا من )) ئەوا ژ لایێ وی ڤە لسەر باپیرێ خو دروستکری ، من هزرا خو بو گوت ئەوی ژی رێک نیشا من دا و دگەل من بو هەتا ئەڤ پەرتووکە هاتیە چاپکرن . هەروەسان نڤێسەر هشیار مرادخان ئەو ژی دا خۆیاکرن و گۆت : ئەڤێ پەرتوکێ جوداهیەکا گەلەکا مەزن هەیە دگەل پەرتووکێن دی ، چونکی ئێکەم پەرتووکە ب ڤی شێوەی لسەر کەسایەتیەکێ ئەنفالکری دهێتە دروستکرن ل دەڤەرا بەهدینان ،و ناڤەرۆکا وێ ب تمامی جودایە ژ ناڤەرۆکا پەرتووکێن دی . نڤێسەر هشیاری بۆ ئێکەمجار باس ل سەرهاتیەکا بابێ خۆ ئەندازیارێ ئەنفالکری ( مرادخان جانگیر رێکانی ) کر و گوت : گەلەک سەرهاتی هەنە هندەک مە د پەرتووکێ دا تۆمارکرینە و هندەک ژی پشتی چاپێ بو من هاتینە گوتن ، ئێک ژ وان کو بو جارا ئێکێ یە دێ بو تە ڤەگێرم دەمێ من پەرتووک پێشکێشی مجید عبداللە کری کو هەڤالێ وی بۆ من گۆت دەمێ ئەم ل ئامادەیا زاخۆ یا چاندنێ مە وانەکا کرداری هەبوو ، جارەکێ مە کارێ پاقژکرنێ دکر بەعسیەکێ توند هەبوو و زورێ خراب بوو تایبەت بۆ کوردان ، وی گوتە بابێ تە وەرە ڤێرێ کاربکە بابێ تە گوتێ چ جوداهی هەیە لڤێرە یان ل وێرێ وی گوتە بابێ تە ئەگەر تۆ نەهێی دێ تە ل ئامادەیێ کەمەدەر، چۆنکی کەسەکێ خۆدان شیان بو دشیا هەمی کارا بکەت ، بابێ تە بێ ترس گوتێ تو دێ من ل ئامادەیێ کەیەدەر ئەز دێ تە ل ژیانێ کمەدەر ، بێدەنگ بو و چوو . نڤێسەر هشیار مرادخان رێکانی وەکو کورێ ئەنفالکریەکێ دەڤەرا رێکان ل دوماهیکێ دا دیارکرن و گۆت داخوازیێن مە وەکی کەس و کارێن ئەنفالکریان ژ جهێن پەیوەندیدار ئەڤەنە و دبێژیت : ئەڤێن ل خوارێ داخوازیێن کەس و کارێن ئەنفالکریێن دەڤەرا رێکانن ١ـ روفاتێن کەس و کارێن مە بهێنە ڤەگەراندن . ٢ـ مونیمێنتەک ل دەڤەرا مە بهێتە دروستکرن بۆ ئەنفالکریێن مە . ٣ـ موزەخانەکا تایبەت ب شەهیدێن دەڤەرا مە بهێتە دروستکرن بو پاراستنا پاشمایێن شەهیدێن دەڤەرا مە ب گشتی . ٤ـ کەس و کارێن ئەنفالکریا ب هێنە قەرەبوکرن ٥ـ پارچێن ئەردی ئەوێن ل بەحرکێ ب کەس و کارێن ئەنفالکریا هاتینە دان کو بەلگە ددەستێن مە دا نە بو مە بهێنە ڤەگەراندن . ٦ـ بیرەوەریا ئەنفالا هەمی سالا بێتە ساخکرن ، کو پشتی ٣١ سالا حکومەتێ ئێک جار ژی بیرەوەری ل دەڤەرا مە ساخ نەکریە . ٧ـ نڤیسینگەهەکا تایبەت ب ئەنفالکریێن دەڤەرا مە بهێتە دانان کو گرێدایی بیت ب وەزارەتێ ڤە بو زانین چەندین سالە بیرەوەریا ئەنفالا دەڤەرا بەهدینا دەمێ دهێتە ساخکرن ئەڤان داخازیا ئەم ددەینەف جهێن بەرپرس بەس کەس خو لێ نا کەتە خۆدان رێز و سلاڤێن کورێ ئەنفالکریەکێ ل دەڤەرا رێکان دەڤەرا بێ خۆدان و ژبیرکری .