ئیرۆ ل رێکەفتى ٢٩-٨-٢٠١٩ خۆلا ڕۆژنامەڤانیا سەردەم ئەوا کو ژ لایێ مالپەرێ خەدەنگ یێ رۆشنبیرى و گشتى سەر ب سەنتەرێ نەکنولۆژیا ئامار و زانیارى، هەماهەنگى  د گەل سەنتەرێ راهێنان و پێشخستنێ_زانکۆیا زاخۆ و د گەل رێڤەبەریا رەوشەنبیرى و هونەرى_زاخۆ هاتى رێکخستن، ب ئامادەبوونا سەرۆکێ زانکۆیا زاخۆ (د. لەزگین عەبدى جەمیل) خۆل ب دوماهى هات، کو تێ دا باوەرنامێن بەشداریکرنێ ب بەشداربوویان هاتن دان. ناڤهاتى د گۆتنا خوە دا، خوەشخالیا خوە بۆ ڤان جۆرە چالاکیان دەربرى و هەروەسان گرنگیا ڤان چالاکیان ب ئاوایەک بلند و ب بها نرخاند. هەر وەسان سەرپەرشتێ مالپەرێ خەدەنگ (د.کاروان فەهمى سامى) و د گەل رێڤەبەرێ رێڤەبەریا رەوشەنبیرى و هونەرى_زاخۆ (دلخواز موسا) و رێڤەبەرێ سەنتەرێ راهێنان و پێشخستنێ (د. دلێر عادل جەمیل) گرنگى و مفایێن ڤێ خولێ دیار کرن و تێ دا کەیڤخوەشیا خوە ئانین زمان.

 

 

ئەڤ خۆلا هاتى رێکخستن، ماوێ وێ پێنچ ڕۆژ بوون، ل سەر دو تەوەران خۆلا هات رێڤەبرن. ئێک ژ وان؛ ل سەر بنیاتێن کارێن ڕۆژنامەڤانى بوو، کو ژ لایێ راهێنەر و ڕۆژنامەڤان (رەشید عەبدولعزیز)ى ڤە وانە هات پێشکێشکرن. تەوەرێ دوێ؛ ڕۆژنامەڤانیا ئەلکترۆنى ب خوە ڤە گرت، کو ژلایێ (سەجا رەشید) ڤە هات پیشکیشکرن.  ژ بلى لایەنێ تیۆرى (ڤەگۆتنێ) لایەنێ پراکتیکى ژى ب خوە ڤە گرت، وەکى چەوانیا رێکخستن و سازکرنا هەڤپەیڤینێن ڕۆژنامەڤانى، چێکرنا راپۆرت و نووچەیان. بەشداربووێن ڤێ خۆلێ (٣١) کەس بوون.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *