ئیرۆ ل زانکۆیا زاخۆ  ل رێکەفتى ٢٥-٨-٢٠١٩، خۆلەکا ڕۆژنامەڤانى ژ لایێ مالپەرێ خەدەنگ یێ رۆشنبیرى و گشتى، سەر ب سەنتەرێ تەکنولۆژ و ئامار و زانیاری_زانکۆیا زاخۆ، ب هەماهەنگى د گەل سەنتەرێ راهێنان و پیشخستنێ_زانکۆیا زاخۆ و دگەل رێڤەبەریا رەوشەنبرى و هونەرى زاخۆ هات ڤەکرن.

  د ڤێ خۆلێ دا سەرۆکێ زانکۆیا زاخۆ (د. لەزگین عەبدى جەمیل)ى پەیڤەک پێشکێش کر، کو د پەیڤا خوە دا گرنگیا ڤان کار و چالاکیان ئانى زمان و تێ دا خوەشحالیا خوە دیار کر، هەر وەسان رێڤەبەرێ رێڤەبەریا رەوشەنبیرى و هونەرى (دلخاز موسا)ى ژى کەیفخوەشیا خوە بۆ ڤان جۆرە خۆلان ئانى زمان. د پەى وى رە ڕیڤەبەرێ سەنتەرێ راهێنان و پێشخستنێ (د. دلێر عادل جەمیل)ى گۆتنا خوە سەبارەت گرنگیا خۆلا ناڤ هاتى پێشکێش کر.

 ئەڤ خۆل دێ بۆ ماوێ پێنچ ڕۆژان بەردەوام بت و پرانیا بەژداربوویان، قۆتابى یێن زانکۆیێ، دەرچووێن ئامادەیى و مامۆستانە. مامۆستایێ خۆلێ ڕۆژنامەڤان (رەشید عەبدولعەزیز) و (سەجا شێرزاد).

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *