ڕاپۆرت: دلۆڤان هالۆ

نۆژدارەکێ دیار کر کو گەلەك کەسان (نەرگیلە کێشان) کریە نەریتەك ل جهێ جگارێ و د وێ باوەرێ دانە کو زیانا نەرگیلێ کێم ترە ل سەر ساخلەمیا مرۆڤى، لێ ئەڤ چەندە نە یا دورستە و بەروڤاژى زیانا نەرگیلێ ل سەر ساخلەمیا مرۆڤى گەلەك ژ یا جگارێ خراب ترە.

(د. عەدنان ئاکرەیی) بسپۆرێ نەخۆشى و نەشتەرگەریێن گشتى، بۆ مالپەڕێ (خەدەنگ) گوت: ” پتریا جۆرێن نەرگیلێ ڕێژەیەکا زێدەتر ژ (نیکۆتین)ێ تێدایە پتر ژ یا جگارێ و کارتێکرنا نەرگیلێ ل سەر گەوریا مرۆڤى هەیە، وەكو تەڕکرنا بەردەوام ب وێ ئاڤا دناڤ دا نەکو ژ بەر کێم ژەهریێ، هەر وەسان دبیت هندەك ماددەیێن ژەهراوى بحەلیێن دناڤ وێ ئاڤێ دا، لێ چڕییا وان نا هێتە خوار بۆ ڕێژەیەکا وەسا کو کارتێکرنێ ل سەر ساخلەمیا مرۆڤى نە کەت، زێدەکرنا تامێن فێقى یێن نەرگیلێ تام نەخۆشى یا وێ ڤەدشێریت و نە هەر تشتەکێ تام خۆش یێ ساخلەمە”. نۆژدارێ ناڤهاتی، زێدەتر ژی گوت: ” (نەرگیلە کێشان) دبیتە ئەگەرێ ڤەگۆهاستنا نەخۆشى یێن ڤەگرتى، وەكو ڤایرۆسێن (مێلاکێ – ئەنفلوەنزا – ئێشا زراڤ “تدرن” – فتریاتان) چونکى نەرگیلە ب هەڤڕە پشکدارى د هەلکێشانا وێ دا دهێتە کرن، زێدەبارى زیانێن ماددەیێن ژەهراوى کو دهێنە بکارئینان بۆ فلتەر کرنا دویکێلێ نەرگیلێ، وەكو (ڕیایێ ئەسیتۆن- بنزامین – کارۆلین…هتد)”. ل دوماهیێ ژی گوت: ” د (ڤەکۆلینەکا ئەمریکى) دا دیار بوویە کو (۱) دەمژمێرا (نەرگیلە کێشان)ێ بەرامبەر (۲۰۰) جگارانە، هەروەسان ڤەکۆلینەکا دى ژى دیار کریە کو (۱) خۆلەکا (نەرگیلە کێشان)ێ دبیتە ئەگەرێ (٤) قات دروست بوونا ماددێ (پەنجەشێر)ێ یێ (HPA) و (ئەلدیهایدا فڕۆك) و (۳۰) قات دروست بوونا (ئێکەم ئۆکسیدا کاربوونێ) پتر ژ یا جگارێ”.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *