زەنون سلێڤانەی

بێگومان دتەمەنێ بدرێژاهیا مێژوویێ دا رژێمێن دەستهەلاتدار و دەوربەران ڤە بهەمی رەنگێن جەنگێ دژی تەخا مروڤان بکارئانینە و نەخاسمە دگەل وان گەل و نەتەوەێن بندەست وستەم لێکری ژپیخەمەت بو پاریێ نانێ ژیانێ وماف وچارەنڤیسازا خوەێا پاشە روژێ دنالیت، بەلێ گەلێ کورد ژی تووشێ ڤێ جەنگا قرکرن وتەپەسەریێ وداگێرکرنێ بووێە ژبلی جەنگا سیاسی ودەرونی وقوتکرنا قویتێ خەلکێ و هەێا نها ژی هیشتا ئەڤ جەنگە لسەر گەلێ مە ژی بداویێ نەهاتیە ، مە لڤێرێ بفەردیت لدور بابەتێ بازرگانیکرن وبکارئانینا کەرەستەێن بێهووشکەر کریارەکا بمەترسیدارە ژکیڤە هاتیە و چاوا پشکەك ژ باژێر ودەڤەڕێن هەرێما کوردستانێ ژی ڤەگرتیە باندورا خوەێا نەرینی وخراب هەێە لسەر ئاسایش وتەناهیا گیانێ مروڤان دناڤا هەر وەلاتەکێ دا ، هەلبەت پەروەردە جارێ دەسپێکا ژیانەکا ساخلە مە بو خیزانێ بو جڤاکەکێ ساخلەم و وەلاتەکێ ئاڤ وئاڤەدان، گەر سەحکینە پشکەك ژڤی جڤاکێ مە دێ بینین دەولەسەرێ بازرگانی وپەروەردەێا خاڤ وسەقەت گەلەك تەخێن جڤاکێ مە یێ تووشی خەلەتیێ وپاشە روژەکا تاری دبن ، ژوانا تەخەکا رێژەێا سنیلەێان کو ژئەگەر کێمتر خەمی و پەروەردەێا خیزانێ و پاشی یا خواندنگەهێ و نەهشیارکرنا سنیلەیێ ئەڤرو یێ تووشی بڤێ کریارا بکارئانینا کەرەستەێن بێهووشکەر و تەکنولوجیا ژتەمەنێ خوە بچەند سالا مەزنتر دبن ، ئەڤەژی کارڤەدانێت نەرینی ومەترسیدارو خراب بو ئاڤاکرنا جڤاکەکێ ساخلەم وئاڤاکەر، لەورا ژی دڤێت ل دەسپێکێ هەر ژشەقامی بگرە وهەتا بو دناڤا ئەندامێن خیزانێ دا ئەم بهەڤرە خوە فێری بمەشق وراهینانێن هشیارکرنێ وهشیارببن لسەر ژیان وتێکەلیا زاروکێن خوە دگەل دەوروبەرێن وی ، دیسان ئەرکێ هەری مەزن لسەرشیانێن پەروەردێ دمینیت ، چونکە ل دەسپێکێ پەروەردەێە وپاشی پێگەهاندن وفێرکرنە ژئالیێ خوەڤە ئەو هایداری رەوشا قوتابی ببن، هەلبەت یافەرە وپیدڤیە جهێن پەیوەندار وهەما هەنگی دگەل ناڤەند وسەنتەرێن رەوشەنبیری وجڤاکی ورێکخراوێن سڤیل ومافێ مروڤ ومیدیاکار وراگەهاندن کومکرنا بەلگە وبدەستڤە ئانینا زانیارین دروست لدور بنبرکرنا هەمێ جورێن کەرەستەێن بێهووشکەر و پێگەهاندن چ برێکێن سازدانا کوروسمینارو ورك شوپ وپەخشکرنا پروگرامێن تایبەت لدورڤی بابەتێ گرنگ ئەو رێژەێا سنیلەیێ کەج وکور هشیاربکەن و قەدەغەکرنا ڤی بازرگانیکرن وبکارئانینا کەرەستەێن بێهووشکەر ل کوردستانێ رولێ خوە رابن ونەبتنێ بمژویلکرنا کارێن پیروزباهیێ وبەشداری و وێنە بتنێ بن ، بدیتنا من گەر هەر ل دەسپێکێ بڤی ڕولی راببان ئەڤرو پشکەك ژڤی جڤاکی تووشی ڤێ کریارا کوژەك بمەتڕسیدار نەدبوون دێ بمخانیڤە بێژین رولێ وان بتنێ ناڤە وبێ کریار؟

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *